尋日過開中環做野,當然要去探吓我D老友啦! 之前係網上見KRELL即將推出最新產品,於是第一時間諗起亞洲影視,但世事永遠事與願違,仲未出…..真激死! 不過見到大房中間擺放咗三張充滿濃厚皮味嘅單座位梳化,張張都有杯座,起初仲以為係旺角專業果張,睇真D,唔係喎! 座位用料同承托力都優勝,而中間果張相信係高級版,有齊獨立燈光照明,亦有電動調校座位高低前後,更在背、腰、臀三個位置設有震動按摩功能,可以讓你一邊睇戲一邊按摩, 確係賞心樂事,而另外兩張分別係電動和手動調校座椅角度版本,不過同樣有良好既承托力。亞洲老闆更表示將會為座椅加上D-box系統,令客人睇戲時可以更投入,不過由於張椅剛剛到手,所以連價錢都未定, 唯有靠各位師兄上開去時幫手索下料喇,謝謝!