近期見到李Sir(網名：tst123)入手左兩幾樣大玩具，分別有Esoteric嘅K-01X SACD機、TIDAL嘅Presencio LS前級同埋Contriva G2喇叭。而近日李Sir仲向代理借左一對TIDAL Impulse兩聲道後級黎試玩Bi-amp，而呢對Impulse已加左LPX卡，可以配合Contriva G2玩電子分音，於是尋晚走上去李Sir度試聽吓效果順便黐個餐。晚飯後急不及待立即試聽，因為李Sir已經將對Contriva G2大約煲左120小時，應該開始進入狀態。一開聲即時發現效果相對我對Piano配合早前借黎試玩嘅一套Tidal老西前級Preos-D加一隻 Impulse後級更高班，Accuton鑽石高音果真料到，高頻延伸好強、速度極之快，而且絕對唔會拮耳、弱音表現極之出色、尾音亦相當唔錯、人聲表現 通透潤澤，低頻唔係打心口嗰一種，係一浸一浸好有彈跳力咁推過黎，陶瓷單元速度快就唔使講都知啦、音場又好廣闊、分析力超強。我對李Sir呢個組合嘅整體 表現相當滿意。後來再試以一部Impulse後級黎推對Contriva G2，因為冇左LPX電子分音調校，低頻量感會多左一點點，但系喺Contriva G2背後下面嘅氣吼塞返個海綿塞，效果即時有所改善，整體表現當然就一定唔夠一對Impulse玩bi-amp配合電子分音咁好，但以一部Impulse 黎推Contriva G2其實已經好好聲，不過以李Sir嘅財力同埋有咁好嘅地方，只要執一執位搞搞啲機架就可以一步到位入一對Impulse黎玩，絕對唔會有錯嘅呢，另外如 果可以放棄左面對TAD S-1EX的話效果應該會更好，不過李Sir對呢對TAD情有獨鐘，相信暫時唔會放棄佢呢…哈哈。開心時間過得特別快，又係時候講Bye Bye，尋晚試聽完2 Ch.已經冇時間見識吓李Sir套好正嘅AV組合囉。最後要講吓李Sir一樣好特別嘅個人喜好，就係唔會用貴線，佢嘅理念就係用貴線不如用啲錢黎買更好嘅 器材，所以佢啲PC係用平線、IC線都只用三幾千嘅貨色，對siltech 550L喇叭線相信已經係佢用緊最貴嘅線材，但出到咁好嘅效果，真係值得一讚！
