ENTREQ, 一個HIENDY網友絕不陌生既歐洲品牌.
早於2010, ENTREQ在HIENDY裡已有很多很多不同產品的測試報告, 開箱文等等.
而我鎗王, 亦於2011前買入第一代ENTREQ地盒.
想當年, 我正值換機高峰期, 一個月換一部, 三個月大洗牌, 所以當年既ENTREQ地盒, 玩左唔夠三個月就賣鬼左.
事隔四年, 2015年既AV SHOW, U-ACOUSTIC將ENTREQ與TIDAL CROSSOVER. 出黎既聲音除左TIDAL既一貫高貴外, 我仲聽到一種好自然既木味. 細問之下, 這份木味原於ENTREQ的線材. 就這次的聆聽經驗, 令我有興趣再度試玩ENTREQ的線材.
ENTREQ代理一口答應, 隔左兩三日, 我就收到兩大袋的ENTREQ產品了.
到我家既兩袋產品, 有兩個黑色紙細盒係ENTREQ 地線. 兩大木盒係本文主角KONSTANTIN 3V POWER CORD. 仲有一木盒就係SILVER MINIMUS細地盒.
大鄉里既我, 對住果三個大木箱, 都唔知點開. 眼見木箱面板用四粒細螺絲扭緊. 沒有開盒位置. 我驚驚地就打個電話比代理問下果三個木盒係點開? 哈哈.
細問之下, 原來真係要用鏍絲批開頂板, 咁先可以取出木盒內的線材/地盒. 這條KONSTANTIN 3V PC已經係第二代, 比第一代最大改進了- 電源插頭用左全新古河FI-48, 其中一邊插頭仲有條駁地線既木製插座.
而代理亦交代左這兩條KONSTANTIN 3V POWER CORD係全新未煲, 廠方更建議新線要煲200小時先開始進入狀態.
由於HIENDY部煲線機煲唔到電源線, 所以我就用我對BRYSTON MONO 7B長插住對KONSTANTIN 3V煲佢一星期先.
當然喺依個星期我都有聽歌啦, 由於對POWER既PC換左KONSTANTIN 3V, 所以我都順便測試下佢這條入門KONSTANTIN 3V可否應付我對大POWER既BRYSTON.
要試力, 我當然拎左ADELE 21出黎爆佢個ROLLING IN THE DEEP啦.
雖則對KONSTANSTIN 3V未煲好, 但控制力黎講, 佢既表現又收貨喎, 加上插埋個小銀盒, 成個音場既穩定度都提升更多. 就咁既配搭, 我又聽左一個星期.
講開電源線, 有睇開我既REPORT既網友都知道我偏愛S牌美國線, 今次初次試ENTREQ入門KONSTANTIN 3V PC, 講真, 我期望不大.
喺煲線期間, 插後級我只感到小小木味, 要插埋個小銀盒先有我要求既穩定度. 但當對KONSTANTIN 3V煲左一星期後, 將佢插番入我部ARC CD8後, 發覺佢既威力先得以全面發揮.
KONSTANTIN 3V作為四哥, 即尾二型號, 播入我部CD8竟然可以比到一份驚喜感比我.
驚喜部份係..
超高至高頻 – 伸延合格, 佢喺超高既表現係偏向柔和.
中頻 – 自然有木味. 小提琴獨奏尤其吸引.
低至超低頻 – 中低頻量較少, 但超低頻果浸量感十分足夠.
當用埋佢條跟機銅地線插入個細銀盒, 一份只有三萬以上級別PC既穩定度竟然可以喺KONSTANTIN 3V PC出現.
以這表現, 我可以好簡單咁將佢形容為”古典愛好者”恩物.
當然, 以KONSTANTIN 3V既寧靜度, 力感, 音場深闊, 分析力, 微動態等等, 都未能進身頂級電源線之列.
但當我知道佢既定價後, 以價論貨, 我無話可說.
後記 : 我不嬲都唔鍾意將器材駁地盒既CONCEPT, 唯獨今次試條入門KONSTANTIN 3V PC, 直接喺線尾直駁地盒, 效果之大連我都估唔到. 論音效, 音場深左幾尺, 樂器既分隔度, 穩定度都有正面提升.
所以我建議如果你用緊這條KONSTANTIN 3V PC, 又玩極都玩唔出佢份特性既話, 我強列建議你買多個細銀盒回家玩個痛快.
我自己就係諗住快快手還番對KONSTANTIN 3V PC比代理, 再問佢借多對老頂PC比我玩多次農夫的威力肋!
KONSTANTIN 3V PC 實價- $12,800
