以往接觸過嘅音響墊材配件有不少種類，其中有金屬造，亦有用木，塑料，甚或不同材料混合以達到設計者嘅要求。自知對於技術或數據分析唔在行，只估計建基於 物理上不同質料嘅硬度，密度和墊材設計規格，用於承托器材無論係調整諧震，吸震或者化震等等技術名詞，最終目的都係微調聲音。

還記得數年前曾經跟一眾友好玩過群釘大會，當時領略到不同質料嘅墊材用於同一套組合上，音色和音效也可以好唔同，那一種最適合要是乎用家有何要求，亦需要先了解自己組合和聆聽環境嘅配合⋯⋯有興趣可回顧下當年嘅分享⋯⋯
www.hiendy.com/hififorum/forum.p … p;extra=&page=2

至於今回接觸嘅墊材係Synergistic Research MiG 2.0, MiG全名為Mechanical, Interface, Grounding, 設計目的係調整器材嘅機械共振以消除其高頻噪音。看外觀一套三件不銹鋼圓椎型，內部通芯似乎沒有甚麼特別，但原來內裏乾坤係加入一小份HFT(High Frequency Transducer)，據說明書所講可以調整音場嘅聚焦或開揚感，是否屬實當然要試過先知啦⋯⋯

首先從黑膠系統試試，軟件我選擇了剛剛到手嘅小鄧15週年原版黑膠(事因最近頻頻被損友毒害，以往未曾比較過小鄧嘅原版黑膠沒料到毒性頗強以致不能自 拔)，把MiG 2.0放於phono電池下，先按説明書指示把前面兩件開囗貼枱面和後面一件開口貼機殻底，落針先來一首月亮代表我的心，跟之前比較聲音係比較開揚並感覺 多了一點點泛音，小鄧把甜美聲音輕輕地飄逸著確實令人暈得一陣陣⋯⋯

緊隨其後另一玩法先將前面兩件開口倒轉向上貼向機殻底，再把後面一件開囗轉向下貼枱面，出奇地今回嘅變化係人聲和樂器綫條比之前明朗清䀿點，更凸顯出小鄧把甜美得來絲一般順滑嘅靚聲，不知不覺間整隻碟聽完卻忘記了自己在比較中⋯⋯

於黑膠部分我會偏向用後者方式令聲音線條更細緻動人，唔係話前者嘅開揚感唔好，只係相對來講後者表現更突出啫。

聽過黑膠還有時間當然也試試CD，以往經驗話我知震動越大嘅器材對於墊材配件嘅反應會越大。把MiG用相同方式墊CD機比較，今次揀選了陳慧嫻新碟evolve, 本身我唔係佢粉絲所以沒有跟以前唱法比較嘅包袱，而因為偶然聽到錄音做得不錯所以當新制作欣賞也有點驚喜。

講番比較效果，當前面兩件MiG開口向下後面一件向上，播著玻璃窗的愛，音場嘅包圍感很明顯加強了亦多了點泛音緩緩飄於聆聽空間中，感覺很好亦多點現場氣氛，而且效果比用於黑膠更明顯⋯⋯

隨後調轉前面開口向上後面開口向下，再重播玻璃窗的愛，即時心裏面嘩咗一聲 (唔敢哎出口驚嚇親老細），因今次係之前眾回合之中最有驚喜，慧嫻把聲音更幼細更多細節，之前頗多嘅鼻音減輕咗感覺更輕鬆自然，樂器尤其支saxophone質感更強和突出，雖然空間感沒有之前強大，但我會更偏好細緻分析力嘅改善，亦更能表現出器材本身應有的能耐。

順帶一提MiG擺放嘅位置對效果也有影響，尤其係CD機本身震動程度較高，要嘗試比較不同位置以求取得最佳效果，響我組合中就擺放得越靠近轉盤位置就效果越明顯。

總結今次除了之前提及墊材質料影響音色之外，其實本身構造例如MiG空心外殻加上一小部分嘅HFT，還有擺放方向及位置，每一點都構成不同效果。是改善或是改變就是乎你點樣配搭與及對自己組合和聆聽環境有多了解吧⋯⋯

https://www.hiendy.com/hififorum/forum.php?mod=viewthread&tid=93478&extra=page%3D1