器材、音樂，究竟誰先誰後？

有人話有好嘅器材，更能享受更好嘅音樂、有人覺得有好嘅音樂，器材不過不失已經足夠！作為發燒友，大家又會點睇呢？不過屋企個老細們，睇法應該刀幾一致， 就係覺得你班麻甩佬最好咪鬼搞咁多嘢，求其襟個制有聲出咪得囉，點解要開幾部機先有嘢聽，跟著又話要左換右換先好聲，一條電缐又話幾千幾萬，同一隻碟又買 鬼咁多版本，咪又係果個人唱

不過係，禾係雖然麻甩，但禾不樹一條咸魚！禾雖然不樹大款，但禾刀想有啲啲要求 可惜人又老，錢又冇，真係唔想搞咁多嘢，如果有套ok好聲又簡單嘅器材，可以靜下來聽歌仔就心滿意足了!

所以我想換合併！

上年年尾入咗B&W804D3之後，喇叭一環總算定下來，而擴音機，亦希望搵部簡簡單單嘅合併機，始終前後級玩配缐始終唔容易….可能越來越 多發燒友刀有咁嘅諗法，近兩三年市場上確實多咗好多廠家推出更Hi-end嘅合併機，去迎合呢類發燒友。有人話合併始終不及前後級，禾覺得啱一半，如果地 方唔大，喇叭唔太難推，其實玩部合併可能更適合，將預算嘅筆直放係買一兩條靚缐調調音可能更易玩得靚聲！就係咁，小弟決意轉玩合併機，不過市場實在太多合 併機，刀唔知去試下邊部先，咁啱早排撞到槍王兄，諗住請教下佢有乜好介紹，跟著佢話「X，容乜膠易，那，俾個地址喎，過幾日送部嘢俾你試下啦！」我心諗， 下，你乜刀唔問下就知我想試乜

就係咁，幾日之後，就收到下面部機……. Analog Domain Isis M75D

Analog Domain (以下簡稱AD）一個可能大家較少接觸嘅器材，自己認識此品牌，刀只是早年係外國啲雜誌裏見過，連本地雜誌都比較少提及，家訪又未見過，之前嘅代理更不是 一般人去的……只知道是一家德國專做後級嘅Hifi廠，近年冒起得好快，而且入門已經係mono 大功率功放，仲要係分身家級嘅價錢，相信只有大款級人馬先玩得起（又大款），禾心諗，呀肥版主你搞乜銀咁大整蠱，整件咁嘅級數後級俾禾試 而ISIS 就係AD裏面最平嘅產品….一部過十皮嘅合併機！

嘅然到咗，點刀要試下！不過究竟AD呢間公司嘅產品有幾厲害？

關於AD，真係一間頗新嘅公司，創立於2010年，不過老闆Angel Despotov已經有超過15年Hifi 界工作嘅資歷，而佢大力推崇大功率功放機！最特别佢仲會係Hifi show時將水倒係運作緊嘅AD後級上作示範！有冇咁顛呀！德國金工果然厲害！咁點解佢地又會用Analog作為其品牌其中一個名？去AD官網睇睇，原來 佢地個名，就係代表佢地所有出產嘅擴音機都是全類比設計，絕不會是D類或是swtiching amp, digital amp 等等，因為佢地認為上述類型設計嘅機始終比較容易出現數位失真（Digital Artifact)!

咁點解又要做咁大瓦數嘅功放？(AD最低級別嘅後级為Calysto，功率係550W/8 ohm, 1100W/4 ohm, 而老頂嘅Apollo係更加係恐怖嘅4000W/8ohm, 8000W/4ohm!!) 因為廠方認為播放音樂，並不只係第一瓦（The First Watt)就可以涵蓋音樂裏面所有細節咁簡單，而係大部分嘅音樂，都包含咗好多嘅大動態起伏，特別係古典音樂！而大功率後級對應應呢類型音樂尤其著數，廠 方認為大功率擴音機更能夠表現出大動態。廠方強調無論任何功率範圍，佢地嘅機都可以保持非常良好嘅操控，而用家可以全程冇拘冇束咁享受音樂！另外廠方亦非 常注重產品嘅質數，因為只有高品質嘅機先可以發揮出極緻嘅表現，同絕對嘅可靠性！

難得今次真係有幸可以試到AD最平身價嘅機種ISIS，其實唔明廠方點解用個咁嘅名雖然話係希臘神話人名啫，不過又係恐怖組織嘅名字 要知道AD嘅身價真係唔係人咁品！所以呢部叫最平，點都要試下有幾厲害幾恐怖先得…….新機到手當然要煲返幾日啦！而今次配搭嘅器材包括：

CD機：Luxman D-08U
喇叭：B&W804D3
缐材：Swisscable reference plus power cord, KS interconnect, VDH 3T the cloud speaker cable

Analog Domain Isis M75D 規格：
Power output: 8 ohm 250W, 4 ohm 400W (亦可以加部純後級M75P 行 bridge)
Damping factor: 1khz, 4 ohm load, single ended >1000
Net weight: 25 kg

部ISIS細細部，得果12cm 高，唔係上網睇下，真係以為係D類機，當然呢部ISIS係AB類，而且幾重手呀，另外顯示屏字體夠大仔，機身黑銀配色，雖然冇同廠其他後級咁靚仔，不過金 工依然上乘，似一般德國機風格，簡潔得體！新機當然要煲煲，不過一開聲，已經察覺此機絕非池中物，背景夠靜、快速、分析力高…….過兩星期之後， 再靜下來聽幾隻碟之後，真係估唔到合併機原來可以咁好聲！

小弟並不是古典樂發燒友，平時注要聽下歌仔為主 (因為老細鐘意），最近經常聽李宗盛嘅”理性與感性”，碟裹一曲”我終於失去了你”，李宗盛果種滄桑味，ISIS 表達得淋漓盡致，眼前就好似有一個中年失戀嘅男人係你面前唱歌一樣！再聽下一首”領悟”，原唱辛曉琪已經非常動人，今次由李宗盛唱更有另一種感受，一句” 我以為我會哭，但是我未有…” 成首歌完全覺得係度聽故事一樣！ISIS 果中頻人聲絕對毒，一部AB機有種A類機嘅感覺，但它不是甜、濃，而係有厚度而且又通透，你會享受歌曲而不是音效！再聽李宗盛同梁靜茹嘅”當愛已成往事” ，女聲一樣吸引，感覺好似聽緊兩個失戀男女在互訴心聲！小弟試機好多時會聽合唱歌，一來可以試下部機嘅分析力，男女同唱再加音樂時會否亂，又可以試哂男聲 女聲，ISIS嘅男聲女聲通通攞高分！

識我嘅朋友都知我最怕部啲機慢聲，好彩ISIS速度快、爽！聽Rodrigo y Gabriela 嘅 Live in Tokyo，完全感受到！快、狠、火！就好似兩個武林高手過招一樣，越聽越過癮、精彩！跟著聽Dynamic Experience Classic Volume 1 嘅”火鳥” ，對ISIS依然冇難，弦樂擦弦力度有勁，鼓皮聲有彈力，播到中後段所有樂器齊奏嘅動態，ISIS都表現出具密度、速度、音場闊嘅優點，真係樣樣都交足工 課有餘，絕冇拖泥帶水，絕冇腳軟！合併機唔好聲？分析力唔夠？力水唔夠？語好意思，AD話你知ISIS絕不在此列，雖然同其他高級貴價前後級比會有距離， 但如果同一樣價錢嘅套裝前後級去比，我相信ISIS未必輸蝕，或者要贏佢都有頗大嘅難度！

ISIS 控制力強，高中音出色，音場闊！總之一部具分析力強、有密度、速度快、人聲通透、音場闊、樂器定位出色、全頻平衡嘅合併機原來就在眼前！呢兩個星期不論聽 流行、古典都難唔度佢！以一部合併機嚟講，真係冇乜嘢可以挑剔，或著稍為不足係低音唔夠潛，可能係小弟缐材嘅關係，只可惜小弟冇更貴更好嘅缐材去服侍佢， 以一部定價十五萬嘅合併機，如果要有啲兩三萬以上嘅缐材去試盡佢就perfect ! 難得呢部合併機表現真係十分出色，可借此機唔平，真係唔容易落咁重手帶佢返屋企……..雖然我好想但可恨我不是大款 不過如果唔想搞咁多嘢，簡簡單單，又唔駛煩玩咁多條缐，又慳位，又有埋耳擴同反相功能，AD呢部合併絶對係首選頭幾位之列！

另外部機仲有個小窩心嘅設計，當㩒熄機制時音量會自動調到靜音先自動熄機，再開時，又會從靜音調到上次熄機前嘅音量，咁就算大頭蝦都唔怕一開機就大聲爆！最後麻煩哂槍王兄同代理尚賢，可以令我有機會試部咁正嘅合併機！ 另外小弟更期待AD出前級，呢部合併相信係廠方小試牛刀之作，如果一套AD前後開聲，相信毒到唔少大款！

今次真係多銀謝哂槍王兄，整部咁正嘅機俾我試，但我又買唔起 睇怕我換機之路將會好漫長………

https://www.hiendy.com/hififorum/forum.php?mod=viewthread&tid=93867&extra=page%3D1