早幾日東哥話Luxman有件新產品好抵玩，有得玩緊係唔客氣拿拿臨開箱啦，依…件頭細細但幾墜手，不過原來係USB DAC?

雖然早幾年斷斷續續有玩CAS亦儲埋好多快勞，不過偏愛黑膠嘅我此終都無心機攪CAS，連部電腦都好耐無更新軟件，咁東哥點解叫我玩呢部DA-250呢？

原來東哥話呢部DA-250連前級放大部份質素都唔差，咁啱近期接觸過嘅Luxman phono EQ-500質素都好有水準，就聽下呢部小師弟有幾掂先。

睇資料DA-250係DA-200嘅延續產品，內藏 USB DAC / 前級放大 / 耳機擴大器，為因應現今的高規格需求，DA-250支援至PCM 32bit/192kHz、DSD 5.6MHz 音源格式，各自提供 PCM 32bit 數位濾波器和 DSD FIR 濾波器設置。
實際規格方面，搭載兩組 Burr-Brown PCM1795 數位類比轉換晶片和 44.1kHz / 48kHz 兩組低相位噪聲的時鐘晶振，前級放大電路採取平衡設計，所有輸出都係獨立電路設計，至於線性輸出、耳擴輸出採用該公司嘅頂級放大電路同埋”LECUA”電 子音量控制技術，以往LECUA只會用於擴音機或者較高階前級，今次下放至USB DAC 產品線，係採用LECUA技術嘅最低價機種。

前級Line In
响屋企嘗試播自家制嘅黑膠DSD files，可惜部MacBook年紀大又無更新軟件所以兼容唔倒，要攪軟件可能會有啲吃力，咁唯有先試下line in部分先。

先揀幾隻CD開聲真係有驚喜 ，部DA-250响舍下配搭Soulution後級竟然唔失禮，有力水、密度、質感，和三頻齊齊整整，相信係輸出增益配合倒Soulution後級所以基 本嘢完全無問題，聽學友“怎麼捨得你”，琴姐嘅“三年”，馬勒第九交響曲與及巫婆嘅”骷髏之舞”，人聲質感自然，爆棚力水，速度和空間感也充足，要挑剔嘅 話我會要求响細緻度和音塲形態做得更好；咁你可能問我部Soulution前級會否被比下去？ 咁我會覺得部DA-250只係Soulution嘅5%價值，有咁嘅水平已經係同級數中嘅高手了。

USB DAC
作為DAC唔試佢份解碼似乎有點兒那過，咁就移師去燒閒館，揾埋班兄弟幫手試下聽快勞先。

DA-250設定簡單，只需裝好自家播放軟件就可以開聲(如果有其他專業播放軟件能兼容相信會更靚聲)，聽Diana Krall Live in Paris DSD, Royal Ballet DSD, Eric Clapton Unplugged DSD, 整體表現已經交足功課，至於力水和質感方面跟之前夾Soulution比較就少點驚喜，無他因為今次配搭嘅器材(Densen前級搭威馬後級)規格唔同而 且聆聽空間比之前更大，再次引證沒有器材係絶對好聲或衰聲，係是乎夾機和配合聆聽環境，而我仍然相信DA-250响呢個級別中係性價比高嘅選擇，兼且遇强 越强，配搭更高階器材亦唔失禮。

https://www.hiendy.com/hififorum/forum.php?mod=viewthread&tid=93998&extra=page%3D1