MPS

鎗王家訪系列 – Terence Lai

我在想, 這篇家訪的標題, 錄音師? 混音師? 亦師亦友? 算吧! 以Terence 喺音響界的知名度, 跟本不用介紹!

入主題吧!

究竟一個名錄音師, 套音響可以去到咩境界呢? 等我鎗王為大家先介紹一下Terence所選用的器材與線材吧!

前級: Rogue Audio Hera Ref
後級: 麗磁LM503PA 845 真空管mono block.
CD 轉盤: Sony XA5400ES.
解碼: merging NADAC
黑膠唱盤: NOTTINGHAM SPACE 294 with upgrade kit.
唱臂: Nottingham ANNA 12吋
唱頭: Accephase AC5
唱放: Rogue Audio ARES
喇叭: Verity Parsifal Ovation
所有接線和喇叭線都用Zu Audio.

而聆聽環境就像一般香港新樓的格局, 入門口的左手邊是飯廳位置, 右手邊就是Terence的發燒地方。

聽Terence講, 他買入這間屋時並未發燒, 因為Terence本身工作已經日對夜對音樂, 所以在家並未添置任何音響器材!

裝修一切以舒適為主, 六尺大魚缸, 一般客飯廳分隔, 就成了Terence家俬擺位。

Terence其後制作發燒CD數量越高, 自覺在工作間的專業器材表達的聲音太真, 太直接。
有日佢諗: 如果可以set一套中價發燒器材喺屋企, 就可以更加清楚佢既錄音在一般家用器材的表現了。

所以二話不說就買入一對Verity Parsifal Ovation, 之後再喺膽皇買埋套Rogue頂級前級,

麗磁845 Mono,

 

而CDP就只係使用Sony XA5400ES, 作為香港出名錄音師, 訊源主力當然係File啦! Terence因為工作之便, 擁有數之不盡的最靚最高清檔案, 而他所使用的DAC, 正是業內公認最靚聲的DAC之一 merging NADAC。

至於大家見到既NOTTINGHAM SPACE 294 係佢享受音響的主力訊源。

 

 

 

講番Terence套Hifi, 當日我一坐底, 佢就比左隻CDR比我聽, 並即時解說這張正是2016 AV Show的曲目!

今年的AV Show CD多左好多人聲, 當中我最鐘意既係第一首, 人聲加管絃樂團, 人聲厚潤聚焦, 與後面的管絃樂團的分隔十分明顯. 最難得係管絃樂團的樂器位置分隔度都做得清清楚楚。 讚!

聽完CD, 我就叫Terence播隻黑膠黎聽下, 點知佢拎左盒皇舞45轉出黎, 仲介紹這套45轉是白版。。。 頂, 駛唔駛咁毒呀!。

 

 

 

見佢拎左第一張白版碟出黎放喺個NOTTINGHAM盤上, 再用近排Hiendy大熱既Stillpoint唱片壓! 我個心即刻離一離, 心諗, PK啦, 今次實中毒了。。。

落針後, 熟悉的旋律在陌生的系統中響起! 與我屋企的Re-re-reissue來說, 這次的聽感是: 我坐在最前排位置聆聽, 所有強弱音聽得一清二楚。這與我家中屏風的感覺有很大不同! 在Terence套組合裡, 我可以聽到好多之前未被發現細節! 一套膽機加上VA喇叭的中頻本已把我殺死, 依家再加上細節量超多的白版皇舞!  如只以質感與細節量, 我屋企套Re re reissue實在相距甚遠, 沒必要再令自中毒太深吧, 所以急忙叫Terence換碟, 免得再被皇舞白版毒死!

但很可惜, Terence似乎有計劃&有陰謀地毒死我, 聽完皇舞後, 佢仲拎左好多天碟頭版出黎, 聽完一隻又一隻, 論音色論平衡, Terence這套黑膠無疑已達極高水平!

 

 

 

這我相信這除左VA與天碟軟件功勞外, Rogue旗艦前級, 丽磁Mono與全套Zu線材亦擔當重要角式, 只見機後放滿一地的ZU線材, 無論地線與Rca, Terence都是Zu的超級Fans!

 

 

但最終我反而中左一件, 佢無心毒我的配件: Stillpoint LPI碟壓。

開箱文 – Stillpoint LPI

聽名盤聽到唔捨得走, 話咁快就聽左個幾鐘, 係時侯要出街食飯飽肚了. 臨走時, TERENCE見我對盒白版皇舞依依不捨, 他承諾若HIENDY攪SHOW, 可以借比我地聽一聽這無價天碟.

(咁啱我地7月9日與ROCK IN攪第二次的測聽會, 咁咪可以問TERENCE借碟分享比咁多會員囉. )

最後, 你地可能會問我, 咁TERENCE屋企又天碟又名貴器材, 咪好無敵?!

咁你地又錯喎, 這就是我與TERENCE在飯間討論的話題, 本文中開始我已交代了TERENCE買入這間屋時並未打算玩HIFI, 所以無論獨立線, 器材與喇叭擺位都未能盡情發揮器材的潛力.

最後與Terence閒談間, 得知Terence的確打算從新裝修, 為兩聲道系統注入最重要元素 – 空間!

我作為老友當然舉腳贊成啦. 等佢裝修完一定要再上去吸膠毒!

————————–完————————–

Categories: Feature, 家訪世界區
  • 目錄