威馬sir的出品性價比高大家都知，呢條係佢最近出品的電源線，當然抱有期望！買左就即刻攞返去試。

首先講外觀，碳纖頭尾頭，中間白線身，連埋個logo, 造工精美。

威馬話呢條線好適合插訊源，咁就即刻用呢條線黎換左原本條廠線，插落去播歌，即時很有反應，聲音細節多了，而且比以前更滑，更有音樂感，覺得物有所值，就keep住佢算數。

但有一日威馬突然同我講話條線其實係插amp都好得，我抱住半信半疑的心態試試，將我部Naim XS-2換走左條某m字頭品牌的旗艦電源線(價錢與harmonica 相近), 一插落去，立刻變成第二個世界，部amp變得充滿生氣，佢的生氣並唔係音場衝到好前，聽到耳仔都痛嗰種，而係鼓聲鏗鏘有力，音場擴闊，動態，音樂感都有明顯改善，該m字頭線立即被打入冷宮，其效果遠比插入解碼大(當然只限在我的system上)

總結，呢條線表現全面，分析力，音樂感，動態，均有不錯表現，聲音「正路」，可為你的系統增加音樂感和生氣。當然價錢唔算好平，但絕對交足貨有突！值得推廌。

PS.本身威馬的post
https://www.hiendy.com/hififorum/ … hread&tid=92317