正想退出黑膠江湖， 但是江湖偏不放過你， 老友話有新唱臂到， 其實關鬼我事咩，咪又係一碌唱棍！ 黑膠發展多年， 還有乜鬼突破？ 不過諗住探下老友，順便搵個話題啫！

有幾突破？ 在唱臂的承軸位外置一組 會旋轉的電子感應， 因應唱臂末端的鐳射槍， 依據唱臂的循跡改變令到這一組外置的裝置自動旋轉，來達致直線唱臂接近零錯誤的循跡效果。 個組外置自動旋轉流暢度簡直嚇死人！ 真係未睇過實物示範，好難用筆墨去形容！ 有電子裝置，就自然有外置供電！每次叉電，可以玩十幾個鐘！

其實我好鬼怕呢啲扮直線唱臂嘅”傳統”唱臂， 因為好多時顧此失彼，搞好呢樣，又整衰另一樣！ 不過今日聽咗成三個鐘頭都唔覺有咩問題， 動態細節無一缺漏！ 要幾爆有幾爆， 還要絕不癡呆！ 搞到我都想重出黑膠江湖！ 奈何一問價錢， 賣價十四萬八千大元！ 注定時不與我！ 江湖還是放過我吧！？