你地睇到個TOPIC, 係咪覺得好奇怪? 有睇開我既報告都知道我自己已經差唔多試過晒TARALABS的頂級線材, 點解依對THE MASTER LE會令我有種要重新認識的感覺呢?!
TARALABS這美國線材公司, 一向聲道取向都偏向音效, 簡直就係與空氣感及動態強勁劃上等號. 自從EVO系列出現, 我喺上一篇 “超極限之誕生 Taralabs Zero GME XLR” 已清楚寫明, 現今的TARALABS, 除左上述兩點, 新系列的音樂感, 全頻連貫性都提升到另一層次. 所以上一篇TARALABS GME系列, 我先會用到”超極限之誕生”來型容.
事隔三年多, TARALABS 創造了亞洲區特別版 THE MASTER LE系列, 如以價錢來說, 佢應該係TARALABS既三佬. 即係GME -> OMEGA EVO -> THE MASTER LE
令我這TARALABS FANS極度期待. 大家先睇睇佢地官網既YOUTUBE介紹先.
YOUTUBE已經交代左有關THE MASTER LE既技術資料, 我唔再詳述了. 反而我好想分享這對實價超過十三萬既喇叭線, 可以比到咩聽感比我.
包裝與線身:
包裝就無咩特別啦, 都係使用TARALABS個大圓袋, 插頭都係一貫我最愛TARALABS的[可換換式插頭], 蕉/叉任你換到夠.
不過有樣野就不得不提, 就係今次THE MASTER LE既線身比GME或OMEGA EVO略幼身, 柔軟度更高. 這對用家來說, 柔軟線身的確方便換線呢.
測試使用器材:
黑膠盤: NOTTINGHAM ANNA LOG
唱頭: Shelter Accord with Shelter 411TYPE II升壓牛
唱放: LOUNGE LCR MKIII
前級: ARC REF5SE
後級: BRYSTON 7B SSTC
喇叭: MAGNEPAN 3.7
聽感:
可能我太耐無聽測試TARALABS既喇叭線, 這次THE MASTER LE給我的印象竟然係…..
TARALABS全新聽感
超強微動態, 聽小提琴與人聲尤其明顯.
中頻厚度, TARALABS一向給人的印像是高低延申極之出色, 不過中頻就略嫌乾燥. 不過這只不過是十年前THE ONE年代的TARALABS.
喺四年前, 我記得GME在中頻水份與厚度都提升左好多, 而今次依對THE MASTER LE貫徹了EVO的特性, 中頻厚暖耐聽, 絕對唔會有[乾]的聽感比你.
以我記憶, 連貫性跟GME追得極貼, 使用這THE MASTER LE 喇叭線後, 你會聽到唔捨得熄機, 兩個字- 耐聽.
背境超靜, 以我聽過咁多頂級喇叭線來說, 這明顯已經到達最頂級質素, 跟本與GME可以睇齊.
TARALABS簽名式音效
音場的闊度已經係TARALABS既簽名音效, 但這對THE MASTER LE在深度方面, 我覺得佢做得好好. 這可能佢用左新技術, 使得背境寧靜度提升有關.
喺音場深度闊度方面, 我覺得佢又係進追得好貼GME.
TARALABS另一招牌音效-空氣感, 依然強橫. 音場依舊可以包到我既皇帝位後面.
動態, 我諗你地用得TARALABS, 都唔會對TARALABS既動態有所懷疑掛. 不過今次這對THE MASTER LE由於在微動態的表現實在出色, 這連帶了聽大棚古典樂曲時, 瞬變既速度令我聽得好過引.
總結:
$138,000一對喇叭線, 好貴嗎? 係, 真係好貴, 但如果我話比你知, 佢既音效可以直迫GME呢? 你又點睇? 最衰我無得 在場AB比較, 不過以我既記憶, 這對THE MASTER LE在音效與音樂感都已經相當貼近GME級數, 如果硬要我用數字來評論這THE MASTER LE, 我會以GME既八成功力.
咪住, 前文你成日都話THE MASTER LE追得好貼GME, 咁THE MASTER LE輸果20%輸喺邊PART先?!
我可以好清晰話比你知, 相差果20%就在全頻的穩定度與大動態瞬變的能量感. 其他的音效元素, 與GME機乎一模一樣.
如果你係TARALABS FANS, 四年前已經好想買GME的話, 今次我諗你地走唔甩了. 快D打個電話比明哥約時間聽下這對亞洲版既THE MASTER LE威力啦.
代理: 樂燊貿易有限公司
中環SHOWROOM 電話: 21802701
實價: $138000
