Rogue這品牌， 計埋依個報告我已玩了三部， 買了一部。
上次試完Rogue RP7後， 經AB比較後， 狠心賣掉用了四年的ARC Ref5se.
一個月前， Genesis Maestro 進注我家， 而我為了發揮Maestro的特性， 喺未有心水後級的情況下賣掉Bryston mono。
當Bryston賣後， 一個人望住套機， 諗諗下不如試埋Rogue Stereo100後級， 一套西裝， 錯不了，錯不了。
先介紹這部後級。 CLASS AB 每邊使用兩支KT120, 輸出達100W。 入面使用Mundorf EVO Oil電容。
面版一個開關按鈕, 十分簡約.
機背就有兩組喇叭插輸出, 一組8 ohm, 一組4 ohm.
除了15A IEC電源輸入插外, 仲見到有個啪制, 寫住ULTRA LINEAR / TRIODE.
這部Stereo100配搭同廠頂級前級，好聲已是必然。 問題只是有否推力推動Genesis Maestro這每邊五個單元呢？ 這亦是我最擔心的。
購買這Maestro之前， 我在凌智聽過很多後級推動， 包括六十多萬的Nagra HD Power Amp. Nagra VPA 845, CLASSIC POWER AMP. 甚至Viola最新出的合併機皇Chorale。 如講力感， 最夠力當然是我的至愛HD POWER, 可惜我銀包唔爭氣, 要儲多年錢先會考慮. 而買得起既器材, 我自己就鐘意VIOLA CHORALE, 不過可惜香港都未有貨. 而令次主角STEREO100配搭MAESTRO又表現出咩聲呢? 一套ROGUE西裝推動MAESTRO可以去到咩境界呢? 依點就是我想最知道的.
測試器材:
CDP : MSB Sign. CD DATA + ANALOG DAC
前級: ROGUE RP-7
後級: ROGUE STEREO 100
喇叭: GENESIS MAESTRO
以我玩依類後級的經驗, 如果對喇叭唔係太難推, TRIODE會合我口味, 因為TRIODE多數都會質感強, 音樂連貫性好, 感情更佳. 所以我一開始時係使用TRIODE測試.
因為我相信我對GENESIS MAESTRO作為半ACTIVE喇叭, 後級只需推動[被動式]高中低每邊五隻單元, 而超低果四隻8吋單元就交比佢內置AMP.
理論上 STEREO100 使用三極都應該夠力推. 
記得上次試ZU AUDIO條EVENT LAN CABLE時, 使用既測試級CD係譚校長既銀河歲月. 今次試ROGUE STEREO 100都係先用這CD測試.
可惜我聽左幾首歌, 發覺要推好MAESTRO果十隻被動式單元都唔係一件輕易的事. 
使用TRIODE後, 人聲水份唔只足夠, 直情去到感情滿瀉. 唔講仲以為聽緊300B膽後.
不過去到一D棚爆位, 就顯露了TRIODE唔夠力推十隻單位的事實.
點解我咁講? 因為聽聽下發覺高頻去得唔夠盡, 低頻又欠力度, 最慘係音場深度與分隔度都未如理想.
最終, 我都係忍唔住啪番去ULTRA, 聽番果幾首歌, OH NO…
返晒黎啦. 全頻既平衡度返晒黎, 不過唔知我係咪玩得ARC太耐, 我發覺一套ROGUE AUDIO出聲, 果份膽味好吸引我. 低頻既彈跳力, 人聲的水份感情細節轉接位都做得好流暢自然. 開頭我只係諗住啪左去ULTRA MODE, 音場, 高低延伸得以提升, 但中頻就預左感染力與厚度必定會減弱. 喺我聽譚校長的銀河歲月時, 譚詠麟獨有唱腔與感情, 沒有因ULTRA MODE而變得薄弱, 相反, 這超線性設定, 令到對MAESTRO食得更飽, 我只能講如果TRIODE推MAESTRO強於感染力, 咁ULTRA MODE後更能將校長深度的感情再度提升. 微動態既轉承位更明顯.
結論:
發燒友一講起美國膽機, 我諗你地一定會諗到老麥, VTL, VAC, ARC等等出晒名既膽機. 但依家我試緊依套ROGUE RP-7 + STEREO100, 出黎既聲效與音樂感, 比例做得剛剛好. 可以講係話要咩有咩
一套ROGUE出聲, 既有美國風格既大開大合, 霸氣場面. 膽機獨有的細膩音色與現代膽機應有既幼細, 都可以與當代最出名的美國膽機品牌爭一日之長短.
依家以ROGUE的售價, 一部頂級前級RP-7 ($41000), 加上STEREO 100 ($29800), 七萬蚊已經可以擁有我上述描寫的音色聲效. 我自己就覺得係超..超..超值之選.
講真, 依家以七萬蚊個價, 你想搵部靚聲既前級都唔係咁易. 更唔好講話包埋後級啦. 所以如果大家都諗住換機既話, 我極力推薦 ROGUE這品牌比你地.
———————————— 完 ————————————
