鎗王一向玩器材線材， 全部都要好靚仔先會入屋測試， 但眼見威馬最新推出既Bybee系列產品， Hiendy個個網友都大讚特讚， 令我這個八卦友都忍唔住問馬Sir拎左部迷你Bybee小電處返黎一試佢既威力。
威馬產品在價錢上一向克己， Hiendy網友都知道威馬產品性價比特高。 但最近既Bybee系列卻一反常態， 小小一個兩位電處仔， 叫價高達8800港元。 這真係令我好好奇依部電處有咩咁巴閉， 可以令馬Sir咁有信心set到依個價位。
到手既Bybee Quantum Conditioner只係一個長型金屬盒， 一面入電用 IEC插，另一邊就係兩個出電， 簡單不過。
至於我最最好奇既係佢聲音上的表現點解咁得D會員歡心呢？
我一開始就將Shunyata個PS8拖板插入Bybee Quantum Conditioner， 而我套MSB Sign. CD Data & Analog Dac插晒入去PS8。
聽番我最近常聽既CD.
話時話， 部Bybee Quantum Conditioner既插頭又插得幾實淨喎。 不過由於我用開果條MPS天籟電線太粗身， 而部Bybee Quantum Conditioner又太輕， 攪到我要搵個Stillpoint既唱片再重重量去壓去佢。
上次我拎部bybee返屋企時， 威馬話佢已經將這Bybee Quantum Conditioner煲左幾日。 應該門開晒聲了。所以我一黎就拎左麟伯既銀河歲月出黎測試。
聽左兩首歌， 我忍唔住打比威馬， 究竟依個咁細既Bybee係咩構造？ 點解可以靜得咁誇張？ 當大棚絃樂一出聲又無任何壓縮？
講真我未玩過Bybee既Filter, 今次都係第一次玩， 佢既表現的確令我O咀， 所以先忍唔住問多次威馬。
點知個死佬話之前個post咪寫左囉。
隔直（DC Blocking）
斷地（Ground Loop Breaker）
濾波 + 三春
無相真龍「龍根」
落埋 WA 量子 fuse。
仲話有關Bybee既技術無咩透露。 妖， 咁即係有關技術性既野就無野好寫啦。
不過如上面個List黎睇， 依部細細部既Bybee Quantum Conditioner就真係用料十足， 連威馬條龍根都用上。 可想而知今次威馬真係放足料入去。
講番依個Bybee Quantum Conditioner既特性， 全頻來說我覺得佢無咩偏聲， 最強就係背境夠晒黑， 無壓縮。 堂音線條都明顯聽多左。 低頻收左少少線條， 但又唔會收到無晒餘韻。
如果以佢既表現， 放在其他外國品牌， 唔收番你兩三萬都唔收手。
依部Bybee Quantum Conditioner以價論聲， 我覺得係超晒值， 唔怪得Hiendy咁多網友都中晒Bybee毒了。
在此。建議威馬幫佢搵個靚靚外殼， 賣到海外為港人爭光。
