其實買左Memory player 呢部server都一段時間, 但一直都未有時間寫一下對這部機的聽感, 到年尾終於抽到時間寫一個很brief的用後感, 希望可以多一D人了解一下呢部server, 呢一篇係我第一篇我在HIENDY POST既文, 希望大家多多包涵我既文法和口語化書寫..

呢部由Volent Audio Ben sir帶到香港既MP, 我以前巳經好想買, 原因因為佢聲音非常滑和偏微暖聲底加埋果種好自然既musical presentation, 真係非常吸引, 但以前因為金錢限制所以入左 Rockna wavedream net. 當然聲音唔差 而且在那個價位我覺得十分合理, 加上可以用來做埋CD playback真係好抵 聽講個CD playback同中高價位CD機可以講係好接近. 我既系統係由 Memory player 64-16, emmlabs DAC2X v2, Riviera AIC-10 組成, power block用了 Argento Flow center, Ground box 用了 Tripoint Troy signature.

介紹一下呢部MP, 佢所用既係佢獨家既一堆專利技術: The Virtual Battery, IDEAS and IDEAS 2 Jitter Reducing Software, The Clock Mapper, and DeFractionalized Memory.. 講完其實都係簡單D講, 優化左好多WINDOWS既問題同埋改善左好多windows既PLAYBACK 質素. 有好多人都有話咁貴一部SERVER 結果係一部普通電腦加少少優化咁.. 我自己開左部機內部望完加埋睇一睇佢既WINDOWS.. 就知道根本做左好多功夫. 首先, 佢AES board係獨立供電所以好多人話佢既AES係非常唔錯而且聲音很滑. 另外, 佢既SSD係經過佢獨家技術進行 defractionalized, “Even a state of bit perfection will allow up to seven bits in a byte to be played out of original order, due to the weakness in the code used for digital audio.” 用了defractionalized memory去play out 的digital file 會完全 playback in the original order. 另外, 還有IDEAS reducing software 是用了他們自己寫的PROGRAM去減少在系統上的jitter.. 以上所有的優化都是為了令聲音變得更自然和接近analog既聲音.
還有一點值得一提是 MP rip 碟十分方便, 內置了software, RIP完後JRIVER立即detect到, 而且他們內置的RIP碟是用WAV64 聲音比普通WAV動態更好, 聲音更幼細順滑.

買完機睇哂MP既系統後, 我覺得呢部server是有十足的誠意, 由於是Jriver base 既server 而我所用既DAC係emmlabs dac2x v2所以決定試了不同既settings 和試埋roon+HQPLAYER.. 試來試去最後都係用返官方優化好既JRIVER, 雖然emmlabs播DSD比較好, 而且HQPLAYER在處理DSD上比JRIVER應該更有優勢, 但比較左一排都係覺得JRIVER聲音比較自然, 雖然HQPLAYER有較高既分析力但聲音比較悶而且有點崩緊 所以最後決定用JRIVER做主要既program. 我覺得MP好處是還可以慢慢試到最FIT你個系統既setting, 對於我呢個喜歡試來試去既人來講係一種樂趣.

Ben sir 在售後service也是十分好, 幫我remote control set了他覺得好的setting而且都很有耐性去解釋各個settings的重要性和解釋一下成個system怎樣運作 我覺得作為代理 他真係好好 完全無因為我好煩而唔理我 真係好感謝佢!

此外, 因為我自己本身用緊emmlabs, usb output會比較好可以處理到更high res既 file, 所以我加了一張JCAT既FEMTO在 MP內, 再在出面額外供電. Usb 是使用了skogrand beethoven usb cable, 線電使用了 kenneth lau 的 signature 版加了銅板在頂, DC線用了 Wilson Audio lab 的 silver reference 12芯加xhadow xlr 同埋ATL既DC頭(值得一提 呢條DC線煲完效果非常好, 但真的需要多一點的耐性去慢慢煲, 比普通DC線聲音更為通透, 音埸 分析力等都是有正面提升). MP的電源線使用了vertere pc, emmlabs 使用了 dalby 的 meda PC. 使用了USB card, 我AB比較過AES和USB, AES是用 JMF 的AES線, 當然可能是線材的級數不同, 我Prefer usb比較多, 在音埸分析力,音樂感,音色上USB的表現更為出眾, 這當然要看DAC和個人喜好. 如果有靚USB線或DAC的USB INPUT是不錯的位 我覺得JCAT這張卡是值得投資的.

最後聽感方面, 其實MP 2018 ver 換了新的motherboard和CPU, 在OS方面也更新了最新的調整. 我相信比BEN sir那的表現更好, 因為我自己比較喜歡classical music, 當然pop jazz也有聽, 但 classical是比較多.. MP給我的感覺是聽不到一點清冷的感覺, strings winds的表現非常好, 由其質感上我覺得比rockna 那時聽到的更為真實, 而且弦樂的層次和數量的還原度更高,聽到更多的strings在演奏. 以前聽的時候總會覺得少了2,3排stings 但換了MP 這個情況得到很明顯的改善. 聽JAZZ的時候, 人聲的感情和演繹更比以前聽到的立體很多, 最重要是自然和有音樂感. 總括來說, 在MP很難聽到沙石感, 那種甜滑的聲音真的很吸引人繼續聆聽.

最近也去了一位師兄的家一起交流, 他分別使用了MP, emmlabs 的 TSDX SACD TRANSPORT 和一部舊代的CD盤. 分別比較過後覺得EMM的TRANSPORT 分析力很高但偏清冷, 舊代CD盤偏暖但有時會有點拖, 在MP反而在這兩部中間, 我自己覺得這個定位非常好, 不會過份冷暖, 而最重要是SERVER的聲音我確信了是可以跟TRANSPORT非常貼近 我覺得巳經是taste的問題而已, 重要是該師兄是用平價的電源線,USB線去做PLAYBACK, 內置的也是原廠的普通USB card. 相信如果轉了JCAT FEMTO USB card或換了USB線, 效果可能出乎意料! 希望呢篇文可以等多一D人認識Memory player, 這部絕對是一部值得一聽的SERVER!

PS: 有人說SGMS是CAS皇者, 其實2018版本的 MP加上新的OS可能有可以比較的地方 個人認為兩部機是走不同風格 未必SGMS全羸 而且MP有一個stealth mode, 在不影響網絡NAS情況底下也可正常運作, BEN sir是沒有使用該MODE因為想讓客戶在SHOWROOM有更formal的體驗. 個人認為加了USB card 和開了stealth mode的 MP 巳跟本來的MP 升了一個層次, MP用戶有興趣可以試試, 相信有更上一層樓的表現 另外定價方面香港是有自己的定價 比官網的低不少 如果有興趣可以直接找 ben sir

 

https://www.hiendy.com/hififorum/forum.php?mod=viewthread&tid=123730&extra=page%3D1

 

  • 目錄