約在一、兩年前,在一次交談中,我問一下方浪代理 Kent Poon,當時正值 Weiss DAC50x 首波推出:

我:「Kent,有考慮過俾 Weiss Medus 或 Weiss Medea+ 等 DAC 升級有埋 DSP50x 的功能嗎?」
Kent:「正考慮中!」
我:「快推出吧,到時一定有市場的!」

一路等到上年 2018 慕尼黑展,Daniel Weiss 突然宣佈將推出 DSP50x,我就知道夢想將成為事實。我仲記得消息公佈第一天我已經下單了!一等就等到今天,慢工出細貨的 Weiss DAC50x 面世!!

 

 

 

冇錯,我係第一批,甚至可能係全亞洲第一個用家。你可能會問,佢到底有乜野吸引你等咁耐?是愛?還是責任?答案係窮呀 DLGH(#跌落個海)!講笑o者,其實小弟一路都鍾情 Weiss 的聲音,佢可以話係我聽過咁多音響器材中在 digital 表現最 analog 的(我到底講緊乜?)我由 DAC2 一路換、DAC202、DAC202 USB、Medea、到依家 Medus,如果你聽過 Weiss,你就會明白。尤其在 PCM 處理方面,可以話捨 Weiss 其誰!當然,佢在 DSD 表理都相當利害。但你細心諗一下,依家有幾多「真正」的 DSD 檔案?大部份都是差到極致,由 CD 轉過來的 DSD。始終 PCM,尤其 16/44.1 都還是大方向,選擇一部自己認為重播 PCM 最好的 DAC 始終有著數,你話係唔係?

好,說回今次的主角,Weiss DSP50x,「x」是可分為 DSP501 及 DSP502 兩部不同型號的音頻處理器 audio processor,唔同的地方在於 DSP502 既機箱是 Full Size Form Factor,同 Weiss Medus 或 Weiss Medea 等 DAC 同一個闊度,可以襯埋一套西裝。而且內裡空間亦比 DSP501 較充裕,散熱方面照睇認比 DSP501 來得理想。但究竟兩部機除左 size 唔同之外有冇其他分別?答案係:冇!!!所以今次 DSP502 只比 DSP501 貴 HKD8,000,這是可理解的。咁個 HKD8,000 又貴響邊度?就係用多左不銹鋼底盤和堅固的 10mm 鋁製前面板。

另外,佢個 LCD 面板是觸控的。

其實佢個外觀真係同 DAC50x 冇乜分別,唔係細心留意左手邊冇 headphone 插同個 model number,真係分唔到。當然一轉去後面插頭就知道分別在哪!

 

今次主力分享下 DSP502,因為我買左!!咁佢有乜強項令我毫不考慮就入手?

強項 1 – 多元化數碼輸入

幾乎你在認知範圍內的數碼輸入格式 DSP50x 全都支援。

– AES/EBU 或 S/PDIF via XLR
– Toslink
– Coaxial RCA
– UPnP / DLNA via Ethernet(要在 DLNA 播 DSD 的話要在 Minimserver 等 set 做 DoPWAV)
– USB

支援格式亦是通殺格式

– PCM 44.1kHz up to 384 kHz
– DSD 64x / 128x

檔案格式

– AIFF, FLAC, WAV, MP3
– DSD (DSDIFF and DSF)

其他未來格式都只需要透過 firmware update 就會全支援!

FLAC、AIFF 及 MP3 如有 tag 歌名,在播放時會顯示於前面板,但 DSD 暫時不支援。

強項 2 – 兩組獨立數碼輸出

DSP50x 有兩組獨立數碼輸出,每組配備 AES 或 RCA 輸出,如果你有兩部 DAC,例如一部 DAC、一部 headphone DAC,咁就最正。

大家亦可以配合 DSP50x 內部高精度及低抖動既時鐘獨立咁 set 唔同既輸出採樣頻率,而輸出的固定採樣頻率有:

– 88.2kHz
– 96kHz
– 176.4kHz
– 192kHz

可按自己鍾意邊個頻率就自己 on the fly 入 web interface 或附送的遙控器即時設定,簡單快捷。

強項 3 – 供電部份

供電方面,DSP50x 配以兩個環牛,將所有敏感電壓都穩住,在數碼輸出時實現最佳的抖動性能。

強項 4 – 信號處理 DSP

叫得 Digital Signal Processor,一定有佢料子。佢同 DAC50x 一樣,在 DSP 方面有以下功能:

Room Equalizer – to suppress room modes for a decent bass reproduction.
Creative Equalizer – a tone control with low boost/cut, high boost/cut and mid boost/cut. Very useful to correct those recordings which do not quite sound right.
De-Essing – the automatic removal of overly bright sibilances from human voices. The sibilance effect can be more or less pronounced depending on your speakers or room acoustics.
– Dynamic Adaption – adjusts the audio volume (loudness) to a constant value across all tracks played. Useful for “party mode” when the volume control should stay untouched.
Vinyl Emulation – get that special sonic character of a record player based playback chain. We also employ an emulation of the DMM-CD procedure offered by the Stockfisch label.
Crosstalk Cancelling (XTC) – for the playback of dummy head recordings or live recordings via speakers for an incredible live sensation. Dummy head recordings usually are listened to via headphones because they only work properly if the left channel goes to the left ear only and the right channel to the right ear only. With speakers this is difficult to achive as the left channel goes to the left and the right ear. But with some clever signal processing of the speaker channels is is possible to suppress the crosstalk, i.e. the audio going from the left speaker to the right ear and vice versa. If that works properly then the recording sounds as if one would be in the space where the recording has taken place. All the reverberation and 3D representation of the sound sources is there.(For speaker based playback only.)
Out Of Head Localization algorithm – tries to get the music “out of your head” when listening via headphones. The goal is to achieve a similar listening sensation as one gets when listening via speakers. (For headphone based playback only.)

另外,以下三個功能,以我所知將會好快推出

– Roon Ready
– MQA 解碼
– Airplay

之前請先睇一下我套 Weiss 西裝同接線組合

就上面所說,我依家將所有訊源接晒入去 Weiss DSP502,包括:

– QNAP HS-453DX DLNA(經 Netgear S8000 OCXO Mod Switch 去 Ediscreation Fiberbox II Bybee version 再去 Weiss DSP502,使用 Audioquest Diamond Ethernet x 2)
– QNAP HS-453DX USB(經 ifi iPurifier 3 去 iUSBPower 再去 Weiss DSP502,使用 Wireworld Platinum Starlight USB 及 ifi 雙頭 USB)
– OPPO 205(銀牛 OCXO 全摩改) Coaxial(直去 Weiss DSP502,使用 Kondo SPZ-D 數碼線)

Weiss DSP502 電源線採用 Kondo Avocado 銀線配 FI-50 NCF 頭

另外仲有用 Mundorf 金銀線做地線接去 SR Block 地盒

電源全配合「音響工房」的「Top Design」銅 + 鉑金超厚牆面板配 Furutech GTX-D NCF

至於輸出,我就用上 Weiss 最自豪,亦係最靚聲的 AES(使用 Viard Audio Platinum HD AES/EBU 1.5m)接到 Grimm CC1 主時鐘做「洗水」,再用另一條 AES (使用 Viard Audio Platinum HD AES/EBU 1.5m)接到 Weiss Medus DAC。

好啦,講完咁多野,過一、兩日煲下部機後講下聽後感,大家請等一等。

價格(MSRP)
Weiss DSP501 – HKD58,000
Weiss DSP502 – HKD66,000

 

 

https://www.hiendy.com/hififorum/forum.php?mod=viewthread&tid=124571&extra=page%3D1

Categories: Feature, 市場動態區
  • 目錄