如果一條DIY 喇叭散線要賣到二千幾蚊一米, 你地會否覺得好貴? 但只要你聽完依條FURUTECH DUCC DSS4.1喇叭散線既表現, 我諗你地只會覺得兩毎字 – 超值!! 

先介紹依條FURUTECH最新旗艦級散線王DSS4.1, 佢用左最新既DUCC 超結晶高純度銅作為線芯, 依個最新線芯係由Mitsubishi Materials Industries開發, 可以以最好既晶體排序及線芯表現既平滑度. 同時線身表面用左一層布織網作後屏蔽, 依層布網令到線身可以更為柔軟.

 

 

 

以我認識既FURUTECH線材, 一向比我既印象都係沉穩扎實, 強項在於中至超低頻表現特別靚.
所以依對最新散線王DSS4.1黎到俱樂部後, 我見佢線身都有番咁上下粗, 就用煲線機大火咁煲番佢兩日. 再將佢插喺SOULUTION 501 MONO POWER AMP 與 GENESIS MAESTRO之間作慢火煲練.

 

不過喺慢火煲煲下期間, 俱樂部殺入另一對Hiendy網友最喜愛品牌之一既AP 旗艦殺到。 咁就順理成章將對DSS4.1接駁到AP CARDEAS PLUS.

 

依對喇叭線比我最初既聽感都係Furutech一貫既厚暖, 不過由於對AP係全新開聲, 未開聲, 都試唔真對喇叭線.
所以我試左依個配搭幾日就拎左對DSS4. 1入房, 接駁到DAD MONO POWER AMP 與YG SONJA 2.3之間作詳細測試。

 

講真喺Soulution 夾AP既組合裡, 我已試左佢既低頻穩定度與量感都好高班。 今次入到黎聽DAD與YG, 我就拎隻大棚古典, 試清楚佢喺依套組合上又有咩表現。

EEE… 空間感唔覺喎, 依份空氣感真係Furutech DSS4. 1既聲? 當我聽緊依張碟既時侯:

成個HALL既空氣感好強, 前後分隔度都好靚, 仲有小提琴既中頻豐滿與有層次既低頻, 令我覺得依一代既Furutech既聲音明顯改善了中高至超高既順滑度。

順便介紹一下依張咁好聽既黑膠, The Nutcracker Complete Ballet. 喜歡聽Ballet既朋友, 千萬不要錯過。

為左試真佢喺超高既改善, 我拎多張綾戶智繪 Chie Ayado既LIVE出黎, 聽下個舞台大細深度如何, 依張黑膠最正係現場錄音, 細節超多. 基本上可以用依張碟試晒你要試既音響元素.

講番條DSS4.1, 當播出ONLY YOU依首歌, 預期既空間感並無令我失望, 而低頻既分析力與層次感就比我想像中更好. 尤其係依張碟都係一座鋼琴與女聲, AYDADO每一下按鍵既強弱聲都好清楚聽到.

而人聲中頻方面, 唔知係咪綾戶智繪本身既聲低都係偏厚, 所以聽起黎感情更好, 強感染力超強.

 

至於點解佢咁勁? 大家可以睇下佢既SPEC. 睇下睇唔睇得出有咩玄機呢? 

產品規格:

導體材料:Alpha-OCC + DUCC(7N級)
絞線結構(mm);內部79 / 0.18 OCC(右旋轉),中部37 / 0.18 DUCC(左旋轉),外部42 / 0.18 DUCC(右旋轉)。直徑mm 2.75
約。每根導線尺寸11 AWG(4.02平方毫米)
絕緣內部材料:音頻級FEP(含氟聚合物)
絕緣外層材料:音頻級P.E. (紅色,白色,綠色)。直徑mm 5.75
扭曲方法:2個核心扭曲
填料:棉填料
屏障:層無紡布包裹
內護套材料:音頻級柔性PVC(黑色)納米/陶瓷/碳顆粒化合物。直徑:14.0毫米
屏蔽法銅箔+編織OFC +紙
護套材料:音頻級柔性PVC(玫紅色)Nom。厚度1.2mm
總直徑:19.0毫米

約。電氣特性:

電阻:.0045歐姆/米
電容:51.69 pF /米
電感:.7 uH /米
介電強度:3000VAC

代理: 德發行
散線價錢: $2580- 1米

https://www.hiendy.com/hififorum … p;extra=#pid2942631

  • 目錄