D&M

香港凌智音響早於兩年前代理的頂級丹麥品牌Danish Audio Design (DAD) ,好多香港發燒友都好想了解這個品牌的理念以及聲音取向。

DAD 這丹麥音響品牌設計師及老闆都係一名超級發燒友, 佢地堅持用最靚既零件去造出心目中既靚聲, 而為左易於控制零件既質素及供應問題, DAD全機使用丹麥自家零件,( 除了MUNDORF係德國零件外)。

而這品牌的型號大部份都係得高低兩款型號。

好似前級, DAC,後級等等。 反而喇叭就有三款型號。

而今次依對Mono block名叫 The Little Big.  擁有600w @8ohm, 1200w @4 ohm既推力, 就算喇叭跌Ohm跌到0.5,  The Little Big 依然可以以倍增輸出。

入面既零件更加係件件精品, 2.5kVA變壓器, Mundorf 496.000μf 電容… 等等。

好肋, 技術上既賣點就講完, 依時侯要講下我點去處置依對Mono Block了。

每隻重量達100 kg既THE LITTLE BIG,闊度53 cm,市面一般既音響架係放唔入依對Mono。 所以我只能以兩塊Omicron Technos墊板墊起依對咁有霸氣既後級。

搬動這對Mono, 真係好頭痛, 每部100kg, 兩個人都好難搬得郁。 當對mono擺定定後, 真係無咩事都唔想郁佢。

 

睇番佢既外觀, 一貫歐洲頂級品牌既造功,厚厚既金屬外箱, 機頂用CNC 印出一隻猫仔Logo,  前面板都係一隻猫仔Logo, 不過當你開機後, 面板既猫仔會輕輕滲透藍光, 令這隻猫猫更能凸顯佢公司既主題Logo – DAD Blue Cat.

 

機背設計十分簡約, 只係見到一對頂級WBT 喇叭插座, XLR輸入, 與及15A IEC電源插。

測試器材分享使用了
NOTTINGHAM ANNA LOG 黑膠唱盤與唱臂,美國Sumiko Starling 唱頭, Nagra VPS 唱放。
前級係Nagra HD PRE AMP
喇叭使用YG SONJA 2.3

 

而為左令依套組合既高頻更有毒性, 我今次就換一對 Argento Flow 喇叭線接駁。
電源線就使用Shunyata Vemon HC.
平衡線用左本地名牌 CFM, 取其平衡無味既特性。

       

今次我唔打算續張碟去描述THE LITTLE BIG既特性了.

測試軟件都係聽番我最常試機既黑膠.

依幾張黑膠真係咩都有, 小品, JAZZ, 古典…等等.

記得俱樂部剛開幕時, 依套NAGRA HD+DAD THE LITTLE BIG+YG SONJA 2.3, 出黎既聲真係麻麻地, 因為全部都係新機. 當時既聲音比較厚潤, 中低頻豐滿, 超低還未出到好靚. 超高略暗…

好在煲左佢大約一個月左右, 聲音正常番好多. 開始聽到Danish Audio Design既特性取向.

如我之前寫對YG SONJA 2.3所講, YG SONJA 2.3係直白爽快既喇叭. 咁我依家聽到既聲音就係NAGRA HD PRE + DAD MONO既聲音. 
NAGRA HD PRE我已在凌智聽左好多次, 佢雖然保持NAGRA獨有既幼滑與分析力外, HD系列既NAGRA在質感動態都有著很顯著既提升. 但係…

喺俱樂部內, 依套組合給我的聽感係有點點人性化感覺, 咩叫人性化感覺?!   我既意思係佢有種令人聽歌時好快就可以代入音樂裡面. 我諗這就是音樂感與感染力吧.  

加上依對藍猫仔強勁既輸出控制力, 以600w@8ohm這怪獸級推力下推動這大YG SONJA, 一D都唔會感到粗聲粗氣, 我只係聽到依對大YG喺THE LITTLE BIG既控制下, 表現出幼細既超強質感.

使用依對藍猫仔我最鐘意都係聽LIVE, 由其係人聲既演唱會, 氣氛凝造力與包圍感簡直係一級水準.

市面上的確有好多比佢更大火數, 更好DF數據既後級品牌, 但如要談論到夠力氣, 又要夠感染力的後級, 我諗Danish Audio Design必定係當中既表表者.

後記:

喺我發燒十多年既經驗中, 聽過無數最頂級的音響器材, GOLDMUND? FM? SOULUTION?  以上每個頂級音響品牌都有佢[自家味道], 而正正就係依份味道, 令發燒友不惜花費百萬去擁有佢地. 可想而知, [自家味道]對於一個HIGHEND品牌來說係幾咁重要.

而偏偏依份[獨家味道]並唔係咁易做得到, 市面上好多HIGH END品牌標榜自己無色無味, 但往往依D品牌就係會好快被發燒友忘記.
今次難得聽到依隻丹麥HIGHEND品牌能擁有自家色彩, 而依份色彩絕對係萬中無一, 佢包含了音樂最重要的感染力元素, 以及超強推動力與控制力. 就係依份味道, 我相信你只要用心聽一次Danish Audio Design, 你必定會愛上依隻藍色猫仔.

代理: 凌智音響

https://www.hiendy.com/hififorum … p;extra=#pid2948263

  • 目錄