今次真的多謝百事兄安排這次家訪及多謝通利琴行Patrick 兄抽空到臨,並且預早借出部 Yamaha CX-A5200環繞解碼前級比小弟玩玩。首先Yamaha AV amp是小弟初接觸影音時的首部 av amp,呢個講返其實都成二十前的事。之後都因追求力量同音色而對Yamaha 陌生啦,到近排在Hiendy 示範會上由入門至旗艦型號都有體驗過,Yamaha 嘅量感同音色都有重大改善,而最新的 A.I 功能真係有料到,對Yamaha大大改觀。今次有幸可以借來一試,作為玩家真係要好好把握機會。 |
首先講下配搭,個人認為「家庭影院」除了自己享受外亦需要以不影響家庭成員起居為主,所以在喇叭大小及器材選擇上作優先考慮。就使Yamaha CX-A5200分別接駁兩部秦朝後級 5400A (ear level) 及7250 (天空聲道),訊源係OPPO UPD-205,喇叭就 MK sound 950+M Series,SW 都係M&K Sound KX-12,貪其細小慳位而又有一定質素。 |
再到百事兄同Patrick 兄到訪時,先由Patrick 兄以動手設置,透過軟件 Alita 酒吧地下打鬥一段及已經睇到滾瓜爛熟嘅 Jurassic World Fallen Kingdom 嚟調校。以Jurassic World Fallen Kingdom 火山爆發至直昇機運恐龍上船一段,調校後最明顯感覺到的就是以往低音由前湧來變成從身後感覺梳化震動,恐龍逃跑呢幕一直只是感到大樹逐下被踢爛嘅震撼。而今次嘅震撼感稍為收斂,但可以聽得出恐龍群從前方走到從後方之後,所聽得到,就是牠們是走得更遠更有方向。其次隻紅色恐龍由身後出現直至在前面吼叫時嘅低音定位是非常清晰,可說是聽到佢嘅位置。跟著就是水晶球車臨墮崖前一刻,黑煙從左右包合果吓類似閂門效果終於聽到。到跌咗落海之後車箱前玻璃入水嘅各噴水位置,頂頭由過去只是噴水到今次直接有淋花灑的感覺。仲有就是男主角用刀撬門嘅插刀位置都十分清楚,空間裡你聽到嘅聲響就是該物件嘅位置。到之後沙灘上直昇機運送恐龍時天空聲道嘅一浸浸低音定位,當然無乜難度。
|
|||||||
|