今次家訪, 有幸得到網主WINGCHOW和版主ROY哥安排下, 去到半山, (HUMM..我都話HIENDY D網友大部份都係有錢人呀…唔知我幾時可以搬上半山呢…)..家訪一位音響界的前輩……鄺大俠.

一講到鄺大俠, 我估老一輩, 以及我地呢D新一輩的發燒友, 都無人不識…今次有幸去到鄺大俠屋企, 試聽佢呢SET過百萬, 呀唔係, 係幾百萬的器材, 實在係超牛的幸運..同時得到鄺大俠分享玩TWO CHANNELS的心得, 亦使小弟得益良多, 在此先謝過鄺大俠…

今次試聽的器材, 只要你在YAHOO又或者GOODLE上SEARCH 鄺大俠, 你會好容易找到…所以今次, 我只係想講下, 我對整個系統的感受和與鄺大俠傾談下的得著.

大俠器材:

CDP – Wadia 931+921

黑膠

唱盤：JR Transrotor Tourbillon 07
唱臂：Tri-Planar Ultimate Tonearm
唱頭：LYRA Titan i

擴音機-CELLO

Cello的Audio Suite前級與Audio Palette 調色盤均衡器、以及四件式的Performance MKIII後級

喇叭- WILSON AUDIO + TRANSPARENT

喇叭是Wilson AudioMaxx3, 隱藏在背後的綫材是美國天仙配Transparent最高級的Opus MM2喇叭線

試聽心得:

整個系統, 比到我第一個感覺係平衡…. 當我地一入屋時, 見到對喇叭, 話…真係好大….每隻喇叭有1隻高音, 2隻中音和2隻低音單元….我以前聽過最大對的喇叭都係FOCAL NOVA UTOPIA…估唔到今次見識到更大對喇叭….當時我在想, 到底鄺大俠點樣玩得好佢呢…在我的經歷上, 越大對喇叭, 要玩好佢越難…常言道: 細喇叭要玩到大喇叭的氣勢, 難….但大喇叭要玩到細喇叭的精準, 更難…..今次聽過鄺大俠呢SET組合….我可以講仲心講一句, 高手, 做到了…..點解…HE…詳情如下.

試聽會開始, 我地先試聽黑膠….

1. 一開聲…聽第一首歌係古典….感覺係好靜…好靜, 背景好靜, 之後再聽, 弱音好清楚, 音場適中…樂器定位好準, 低音非常自然..(HE…當然啦, 呢對SPEAKER個低音唔講得少)…有氣勢但完全唔會過多令到中音和高音變弱.. .

2. 第二首試人聲….呢個不得了… 因為我一開始認為, 鄺大俠功力, 再加上大喇叭, 聽古典正係當然的事啦…估唔到, 人聲仲正.. .真係好好聽…我聽到係一個好正中的男人, 在我面前唱歌比我聽, 佢唱得非常自然…呼吸聲都聽到, 亦係好自然好舒服….咀型並沒有因為大喇叭而放大…真正做到大喇叭玩到細喇叭的精準…的確利害…

當時, 我問左鄺大俠兩個問題:

超牛: 點可以做到這樣大的喇叭, 在你屋裡, 高中低頻完全沒有過多或過少…

鄺大俠: 首先, 亦係最重要, 喇叭位置…一定要學識如何擺喇叭…你先要認識自己間屋, 再去ADJUST喇叭位置, 當找到平衡點, 聲音出來自然平衡…其實並不需要太多吸音工具, 或者好貴好靚的音響架, 只要用心去了解自己間屋, 再學識如何擺喇叭, 自然馬到功成…

超牛: 黑膠聽古典, 人聲, 實在太精彩, 可惜小弟屋企只有CD, 唉…唔知CD可否做到禁靚聲呢…

鄺大俠: 可以,當然可以…其實世界上, 亦有好多錄音一流的CD…CD好唔好聽, 同黑膠一樣, SOURCE係最重要, 當你找到錄音好的CD, 放在好的CDP上, 一樣好正…唔….等我下一回試聽WADIA, 你就會明啦…不過, 如果同價位的CDP同黑膠比, 當然黑膠會勝出, 但亦要好睇SET黑膠盤的功力…SET得唔好, 真係仲差過CDP好多, 而CAS, 對唔住, 真係唔識欣賞…

就係禁…我地開始聽CDP啦…呢部CD機, 都可以講係用錢可以買到最好的CD機之一.

今次聽CD, 最深刻係聽鄧麗君日本演唱會和楊春白雪…聽鄧麗君清唱那一段, 非常立體, 清晰, 亦非常可愛…(我係話鄧麗君可愛 , 唔係鄺大俠 )…聽楊春白雪, 第一首, 弱音, 動態, 氣勢…完全比到我….真係要講一個服字….好….好好..

總結整個2小時的試聽會…以小弟的木耳, 可以用以下一句去形容:.

大喇叭的縱容, 細喇叭的精準, 此系統能自然地播放各種不同類型的音樂….”好”

後記:

還好記得鄺大俠講過:…好多時, 好多新手玩HIFI, 跟錯師父, 不段換機, 換線, 換器材….到最後完來係用一個新的錯誤, 去改善以前舊有的錯誤…到頭來根本找唔到整SET HIFI的平衡點…….呢句話, 亦令超牛得益不少…..在將來的HIFI路程上, 我會記住今次家訪學到的, 放在我的音響和音樂上….當然, 在可見的未來三四十年, (HE…其實我仲好細個)…我都會繼續發燒, 找尋最好的音樂…最平衡, 自然的音樂.

鄺大俠的音樂圖書館:

https://www.hiendy.com/hififorum/forum.php?mod=viewthread&tid=13485&extra=page%3D3