今天中午小弟正在午膳時，手機突然響起，噢！原來我終於行運了，何解？因為有幸去一位心儀已久的地方，且有機會坐巴士都能到達嘅’瑞士’呀！ 又何解？ 因為他主要嘅器材是瑞士品牌呀！不是Goldmund,Soulution,FM, 而是………….開估

Source: cd player Orpheus zero mk II
喇叭Da Vinci 加超高音
前級Da Vinci Nifty，後級為Da Vinci Virtu power amp mono

主人翁因更換了黑膠系統有待setup，故暫以一部過Orpheus cd player作鈴聽，此cd機性價比非常高，因小弟都用緊佢，仲要加埋解碼添 ，所以主人翁未入屋前都很謙虛地說動態，密度會有所遜色！當自己一踏入’瑞士’，先來一幅全家福先，影完後聲音突然響起，噢！我即時收埋電話坐定定，嘩聲 音好幼細，係極度幼細，一支結他好輕輕的，好幼細地彈起樂曲（但又好有彈跳力），然後一把女聲緊接地唱，個刻感覺聲音是非常鬆容有感情，很窩心，大喇叭即 是大喇叭，女聲唱出來時運力運氣都感受得到，並不是強叫出高音來，所以自己亦好快好快咁投入，中途向主人翁了解，原來這對喇叭強項之一為人聲，另聽下男聲 又如何，嘩 男聲大力運氣呼氣嘅聲真係清晰感受，為何用感受並不是用聽到，因為真的很自然，很動容，整個人聽緊時好放鬆好窩心，因系統令到歌者應有嘅豐富感情表露無 遺，但主人翁亦好謙虛說如有解碼的話動態會再強，人聲質感會再好(其實他玩黑膠所以放了解碼），live music之掌聲會實多啲！但心想我都冇諗會再好成點，因為當時覺得人聲質感已很好，用力唱或即刻轉輕聲唱都好清晰，但同時沒有任何乾或呆，高中低都好平 均，此刻看看上面組合喇叭是加了超高音，但高音完全冇標，原來此喇叭是由一隻全音域單元發聲，再配下面超低音輔助及加超高音輔助，此時主人翁又塞錢落我袋 了，其將喇叭個超低音加強減少，同埋中間落墨，一首歌比我即時比我聽到三個版本，低音過強即時令把女聲由後生變了成熟，年紀都唔同了！， 令我深深體會高中低平衡度之重要性，同時主人翁對現時setup亦認為未發揮da vinci最大潛能，所以我非常期待下次再去時有新嘅體驗，整體今次＂瑞士＂之行其實很怱忙，事前完全沒有計劃，大家聽歌吹水已很快一個下午，我都忘記自己只映了一幅相， 其實主人翁用嘅線材都＂肯＂勁架，但因冇拍照就留待下次再三去時偷映先 （再介紹），由於今次是小弟第一次分享家訪，文筆有限呀！ 瑞士da Vinci 這個品牌真的很少機會能接觸，現在一嘗瑞士泉水，既新鮮，又窩心，再次多謝主人翁給小弟上了寶貴一課，耳界大開！

https://www.hiendy.com/hififorum/forum.php?mod=viewthread&tid=51924