相信近期AV界城中熱話都離唔開OPPO最新款嘅兩部Bluray機 , 分別係BDP-103同BDP-105 , 我相信大家對呢兩部機都有深入了解 , 我係度都唔多再作介紹 . 而大家最關心 , 相信係佢地今次聲同畫嘅表現! 而OPPO今次打頭陣 , 就係呢部BDP-103 . 價格訂位相當大眾化 , 相信好多人都會視佢為換機目標 ! 因為時間關係 , 部機係我地手上只有兩天時間 , 唔可以話完全測試部機100%實力 , 但都可以為大家測試下部機基本取向 , 可以比到大家一個參考 , 黎緊會用佢PK先鋒09同劍仔751兩部實力雄厚機種 ! 至於PK其他機型 , 我相信未來日子都會有會員出POST架啦 ~ 我地HIENDY測試場地一共有兩個 , 一個就係小弟屋企 , 一個就係炳雄屋企 , 結果 ? 大家睇落去就知道啦 !
小弟屋企 : ST50+CARY+KRELL+M&K ( 09FD )
炳雄屋企 : HC4000+CARY+KRELL+THIEL ( 751 )
測試的線材係剛開箱OPPO跟機美式原廠電源線
HDMI用兩條IN-Akustik REFERENZ , 分別行HDMI 1/2
第一戰Pioneer BDP-09FD
第二戰Cambridge Audio 751BD
第一回合Pioneer BDP-09FD
開戰前先黎個大合照
一共測試三張藍光碟 , 分別係”功夫熊貓I CH 10″ , “馬拉高 CH 13” , “普羅米修斯 CH 31”
下圖為Pioneer BDP-09FD畫面 ( 手機相 )
註一 : 因為當天沒有時間影下BDP-103的畫面 , 只能用文字說明對比現有的09畫面 , 請見諒 ~
註二 : 以下OPPO BDP-103係全新機開箱下測試 , 只是個人議見 , 只供參考
09影像評語 : 從上圖黎睇 , 畫面表演出飽滿細緻的色彩 , 晝面雜訊很低 , 黑位結實 , 石壁龍紋表現清晰 , 已當年影像技術黎講 , 合情合理 , 但當新一代影像晶片面世 , 就比下去了 …….畫面完全可以話係晶片年代 ! 一代比一代好 !
103影像評語 : 而103表現出新世代晶片的技術 , 色彩艷麗豐富 , 飽滿結實 , 晝面雜訊幾近乎無 , 畫面光度感強 , 本來看上去石壁上的藍綠 , 現已可以表現出應有碧綠色感 ! 而石壁上龍身則可以表現到夜光翠綠的顏色 ! 可見此機畫面對比度強悍 , 清晰細緻銳利 ! 畫面可見新世代的威力 ! 09畫面對比下 , 起碼勝30%有多 !
09聲音評語 : 表現出高級機種聲音應有的兩極伸展 , 空間感強 , 聲音分格度優秀 , 弱音細緻清晰 , 低頻方面層次感豐富 , 量感沖足過引 , 聲音方面令他存活至今 ! 表現出應有的氣勢同風範 !
103聲音評語 : 因為新開盒測試 , 聲音表現出有種駒緊 , 兩極伸展感明顯不足 , 空間感比較弱 , 弱音表現出來 , 但欠一點點清晰 , 低頻方面下潛度有斷層 , 就以普羅米修斯為例 , 太空船噴射器表現唔到果種氣壓感 , 到兩隻太空船相撞時大爆炸落地時 , 表現唔到地震動感 , 只係表現到低頻的聲音 , 明顯09低頻同量感都比103強 , 但我發現本機中低頻表現非常豐厚 , 人聲對白表現相當實在 , 相信這樣的聲音 , 容易取悅大多數用家 , 相信如果103開聲後 , 真想再聽一下他的變化 , 相信會有一定的驚喜 !
賽果 :
畫面 : 103 WIN
聲音 : 09 WIN
第二回合Cambridge Audio 751BD
開戰前一樣黎個大合照
以下為751圖片 :
Cambridge Audio 751BD影像評語 : 一開始 , 這個太空船操作器慢慢從地低下升上地面時 , 好明顯睇到操作器機身的黑色有點灰浮感 , 線條紋理比較鬆蒙 , 對比度感略低 , 當操作器解放宇宙星雲圖時 , 光度色彩表現合理 , 立體層次感強 , 畫面表現算是水準之作 !
以下為103圖片 :
OPPO BDP-103 : 當畫面相同地出現太空船操作器時 , 我們看到沈黑而結實的機身了 ! 線條紋理比之前更為清晰 ! 四周牆身紋理相對明顯 , 就是因為此機對比度高所至 , 畫面更札實 , 更立體 ! 同樣地當看見宇宙星雲圖時 , 比751帶有更立體及層次感的畫面 ! 顏色相比下飽和度更高 , 銳利度比751更利 ! 今次以近代機比較 , 相差沒有09遠 , 但都很明顯 , 如果要量化對比 , 我相信要好15%左右吧 ~
兩部機定格放大對比圖片 :
對比地方 : 大家可以放大圖片觀看 , 明顯地103黑位比較實淨 , 從而提高紋理線條清晰度 , 表現出更立體高對比度的畫面 ! 你可以看到清晰的機器及外星人了 !
Cambridge Audio 751BD聲音評語 : 測試片段相同用”普羅米修斯”撞太空船一段 , 同樣有高級機種聲音 , 兩極伸展 , 空間感 , 分格度表現出水準 ! 低音層次豐富 , 全頻質感平均 , 音樂味較濃 !
OPPO BDP103聲音評語 : 同樣地聲音表現駒緊 , 兩極伸展不足 , 聲音帶有些少粗糙感 , 中低頻相信是本機殺著 , 要比09同751還要豐厚 ! 低音現時聽起來比較短同速 , 相信日後聲音會有所變化 , 單以中皆機而言 , 聲效已經交足功課了 !
個人評價 : 就以畫面 / 功能 / 用料 / 手工 , 已經令你聽聽話話比錢 ! 定價$7000以下 , 暫時應該未有對手 ! 以唔到$5000定價 , 真係best buy !
賽果 :
畫面 : 103 WIN
聲音 : 751 WIN
