IN-Akustik REFERENZ VS Trustec HSE-10S

今次得到一位版友無私分享 , 令小弟可以一試TRUSTEC HDMI嘅聲效 , 真係感到非常興奮 ! 用佢黎PK下我聽開條REFERENZ , 睇下大家係聲音上會走邊類型路線 , 等大家係HDMI線方面 , 又可以多一個選擇 , 先比幾張相片大家睇下先 , 已加報告了 ~

REFERENZ 參考link : https://www.hiendy.com/hififorum/ … id%3D102&page=5

妖夜尋狼 ( CH13 ) : 一開始炸電梯已經相當有睇頭 ! 由最低層爆到上最上層 , 一下一下連環低頻衝擊 , 最鍾意就係呢種效果 ! 深 / 潛 / 量一次過有齊 , 仲要Trustec再加多少少衝擊力 ! 好滿足 ! 再到女主角手上兩枝手槍 , 子彈真的有快狠準感覺 ! 最後一個銀粉炸彈 , 整個空間都感受到密不透風的擴散效果 ! 我要播多一次 !

The A-Team ( CH13 ) : 戲情o黎講 , 呢段我個人最鍾意 , 兩部無人戰機大鬥運輸機 , 最尾段仲要整個飛坦克 ! 緊張到呢 … 講返聲效 , 戲中機槍聲音結實有力度 , 飛彈爆炸威力感豐厚 , 場景中各樣金屬聲質感強烈 , 坦克上重機跳彈殼聲帶有粒粒重量感 ! 最後用大炮飛行 , 下下厚重深沉 ! 如果聲音錄得好 , 我相信試機一流 !

借東西之小矮人 ( 主題曲 ) : 今次我試嘅位唔係戲 , 而係特別收錄入面嘅電影主提曲” Arrietty’s Song ” , 點解要試呢段 ? 因為一條中低至低音較強嘅線 , 聲音仲要有d緊同恆 , 怕佢聽歌會失平衡 , 聽完之後都定d , 只係感到低音彈跳感不足 , 音樂感弱左少少外(可能聲緊 ) , 其他方面都ok , 人聲樂器得到質感帶動 , 都有種明亮感 ! 唔錯 ~

Lady Gaga ( CH16 ) : ” Poker Face “我諗無人唔識 , 呢隻歌嘅低音可以話係非常彈跳同打心口 , 最好用黎試下Trustec嘅低音取向 ! 一如所料 , 低音變得結實 , 更有力感 , 更打心口 ! 現場歡呼拍掌聲不失包圍感 , 同樣現場感豐富 ! 十分Enjoy , 變得更Disco ,  變得更Lady Gaga !

總結 :

IN-AKUSTIK REFERENZ : 聲快 , 清脆利落 , 高音細緻清晰 , 空間感好 , 中音有力度 , 低音唔係勁但係足夠而有彈跳感 , 聽感三頻都平均 , 冇話特出邊個音效 , 我相信呢條線好易”夾”機 !
高音 : 8.2
中音 : 8
低音 : 8
速度 : 9
空間感 : 9
音樂感 : 8.5
細緻度 : 9

TRUSTEC : 呢條線最殺食嘅地方係佢果種強烈質感 ! 聲音線條非常明確 , 尤其中低至極低頻位量感強勁而實淨 , 再加上有種衝擊力 , 聽槍炮爆炸非常適合 ! 為聲音增加不少刺激感 ! 炸機朋友要試試 !
高音 : 8
中音 : 8
低音 : 8.8
速度 : 8.5
空間感 : 8.5
音樂感 : 8
細緻度 : 8.5

個人議見 : 沒有一條全面的HDMI線 , 請各會員就自己口味同器材 , 選擇你所喜愛吧 ~

REFERENZ : 平衡 , 聽歌 , 彈跳 , 空間感

TRUSTEC : 爆機 , 睇戲 , 能量 , 低音迷