最近Dolby Atmos喺家庭影音界開始陸續有新產品出現，Denon同Marantz隸屬同一集團，Denon岩岩推出兼容Dolby Atmos制式嘅AV擴音機，Marantz就馬上推出兩部兼容Dolby Atmos制式嘅AV擴音機和AV前級，實行左右夾擊，順應Dolby Atmos呢個新潮流！

大家一定好想知道呢兩部機賣咩價錢，不過呢兩部機香港都未正式發佈，所以暫時未能提供產品定價！而今次傳媒試影會上示範嘅AV7702 AV前級， 更加係巡迴演出嘅示範機，嚟完香港跟住又要返日本，真係非常忙碌！

今次有幸被邀請去參加全港首發嘅示範會，當然會為大家爭取一下，而Patrick哥都應承咗，當有機到港後，會盡快同Hiendy搞返場試映會，等大家有機會感受一下家用版Atmos嘅效果！

今次示範會全部用上Procella喇叭和擴音機，除咗低頻強勁外，戲院感十足！

器材介紹方面由米樂Ricky和D&M William負責介紹….

今次示範會，示範咗變形金剛4同Dolby示範碟入面幾段片段，以7.1.4方式播放，除咗聲軌連貫外，空間感也營做得恰當，加上能量感強勁嘅Procella低音喇叭，出來嘅效果，非常喜出望外！

除咗原身Atmos聲軌外，今次亦都示範咗AV7702聲軌處理技術，將一般HD或其他格式聲軌擴展至Dolby Atmos模式播出，將Atmos格式嘅優點儘量發揮！

嚟緊市場上面將會有更多Dolby Atmos陸續推出，希望不久嘅將來可以在為大家繼續採訪新產品！

****最新消息: SR7009 官方訂價為: $14,800****