| 最近開始物色緊條電源線比部Criterion前級,雖則話行乾電池靚聲，但每次充滿電之後都只可以維持兩個鐘左右，所以覺得揾條靚電源綫插Criterion係必須，源用開Transparent Reference Powerlink MM2X一直相安無事，有日同朋友傾開話想升級條Transparent,我話係要大幅度升級果隻，如果只係好少少就不如唔換喇，佢二話不說就攞咗條本文嘅主角T.Adler Caesar AC Power Cable出嚟比我，叫我攞返去試下，仲話睇下有冇我想要果種大幅度嘅升級！返到去，一插開聲………..失望…………人聲過響、中高能量過強導致過多反射聲，有少少吵耳嘅情況出現，隨即whatsapp朋友問下發生咩事…………..答覆如下：你煲多三兩日先啦，我朋友果條都要第5日先至開聲呀！
如是者，由件得佢插住Criterion三幾日先，其間用電視、CD開聲…………….. 到咗第四日，試播隻爵士女聲-Alexia Gardner. The Rest of Your Life，睇下有冇改進，一開聲，把人聲已經感覺係好大好大嘅分別，人聲深後，咀型交待清析細緻，尾音餘韻比Transparent長好多，高貴冇起角，夠body夠質感，樂器件頭大小比例正確，定位、分隔超清析、加上現場氣氛一流，由於我經常聽此碟，所以對聲音嘅改變特別敏感！到播陳潔麗，直情冇難度，高貴細緻嘅泛音垂手可得，背景超靜，令人好容易投入音樂中！ 跟著試古典Ein Straussfest/Kunzel/Cincinnati Pops Orchestra, 呢隻碟其實唔太難播，樂器嘅動態、炮聲完全冇拖泥帶水、含糊不清，高中低音交待得清楚，乘轉合連接位非常順滑，好有音樂感，相對地Transparent就冇呢份能耐，所有嘢好似褪咗色咁，樂章急促位有啲”nur”住去嘅感覺，聽完此碟就絕對有大幅度升級嘅感覺！ 最後試鼓，The Sheffield Lab-Drum & Track Disc, 打起鼓嚟，中低音嘅衝擊力、迅變同punch感完全冇投訴，重量感同樂器分隔度交待清析細緻，鼓聲結實，收放快速，低頻餘韻相對之下係比較短同量少！ 總結：當今日用十皮嘢只可以買某牌子嘅入門級書架喇叭之際，此線無疑更顯超值身價（實價兩萬內），擁有超高質素，人聲樂器高貴細緻，質感豐富，分析力、定位及分隔度高超，誠意分享比每一位師兄！ 試音碟： |
目錄