上星期豬賓餅主出左個SR大比拼既post, 攪到我都想換Fuse玩下. 我記得第一次換FUSE係我部EMMLABS CDP, 第一粒就選HIFI TUNING S.
當時使用HIFI TUNING S換左機內的原裝FUSE. 就好似揭開窗紗一樣咁清晰. 由其係高頻有種華麗的聽感.
之後就好似中左毒咁, 之後換ARC CD8, REF5SE前級, REF.110後級都換埋HIFI TUNING S. 不過唔知係咪性格重疊. 改善無第一粒咁明顯. 不過既然都買左. 就一直用到依家.
直至豬賓出完個POST, 我先醒起我好耐都無換FUSE玩啦. 所以拎粒前級的FUSE去德發地庫搵LOWTHER CHINA配粒SR BLACK試下.
喺豬賓的POST我都有講過, 大拿拿$1300一粒FUSE, 當然係好肉赤啦, 但當我將粒SR BLACK換入我部ARC REF5SE後. 肉赤的感覺立即轉”抵到爆”.
我套屏風一向都欠缺中低頻的量感與質感, 當然我曾經試過更換三萬元以上的IC / SC. 的確對中低頻的量感與質感有作幫助, 但代價係三萬幾蚊.
反而今次只係使左千三蚊, 中低頻的問題立即得到明顯提升. 最過份係高至超高頻段都無衰減. 可能我部CD8本身已使用兩粒HIFI TUNING S有關.
既然粒SR BLACK咁有料到, 我想換埋我對BRYSTON 7B SSTC既FUSE. 奈何我搵極都搵唔到對BRYSTON的FUSE位置. 頂蓋所使用的鑼線竟然係正方型. 所以開唔到個蓋換FUSE.
總結: 如果你套機仲未換FUSE既話, 我推介這SR BLACK使用在前後級, CDP就可以自己配對.
至於好似我咁, 之前已換左FUSE既網友, 立即去代理度買粒SR BLACK回家試試. 包有驚喜!
鳴謝:
LOWTHER CHINA
Enquiry: 3111 3482
