百事佬披上戰衣，飈著戰羊，穿州過省，
走遍大街小巷，四出偵查，
索盡最新行程，為大家報導市場上嘅最新消息。
日前，百事佬好榮幸得到國內愛威影音公司邀請，
到深圳雅樂薈出席「James極品影院全國巡演首站活動」，
見有好野，當然要攬埋Hiendy新一代男神行動豬一齊赴會啦！
因為James極品影院來頭相當不少，
係前JBL喇叭設計師 Mike Park 與幾位志同道合所組成，
再加上喇叭既造型，淨睇都感受到佢既霸氣！
記得五年前，百事佬都曾經拜訪過雅樂薈，
不過事隔數載，原來雅樂薈已由深圳福田中心城廣場，
搬到體育公園新媒體廣告產業園26樓，
新址影音房間更專業，展出產品亦更高級！
發佈會先由雅樂薈代表陳總講述點解引入James極品影院及其感想
之後到James代理愛威影音公司曾總簡述James極品影院全國巡演既情況
發佈會吸引咗唔少紙媒及網媒出席採訪
簡述過後，各公司高層與在座記者朋友祝酒
Hiendy新一代男神當然也身在其中啦！
完成上半部份後，
曾總就帶領我地到隔離既影音室感受一下James極品影院既威力
開始前，曾總先介紹一下影音室內既重型裝備及James品牌背景
前左、中、右置：James Mavericks MQ84 + James Mavericks M152
其餘十隻環繞聲喇叭 (包括左右各增長一對側環繞聲)：James 806BE
超低音喇叭：James Mavericks M213 (即係3隻21吋單元…
)
Yamaha CX-A5100前級及OPPO 105D藍光機
後級兩部 Earthquake Cinenova 7
Sim2代表Alessandro Cini介紹投影機 Lumis 3DS
大會準備咗幾套電影及歌劇片段，聲音表現震撼，細節位表露無遺
M:I:5
哈比人
MAD MAX
13小時：班加西無名英雄
孤聲淚
百事佬同男神賓都覺得套James表現完全唔可以同家庭影院一概而論，
無論細緻位、力感同上、中、下、超低四路都交接得天衣無縫，
更驚訝係佢靈敏度非常之高，達102db，
而建議擴音機輸出只需75 – 500 Watts，
所以大會雖然安排咗兩部只有7chs x175w之Earthquake Cinenova 7，
但都足以爆到九彩，可惜曾總話James暫時唔會引入香港，
想試好野就親身上去福田雅樂薈走轉呢！
James Mavericks MQ84 擁有一個鈦超高音、四個鈦高音、一個horn咀高音，
加上兩隻8吋中低音，配合M152兩隻15吋超低音，聲音表現無用置疑
完咗發佈會，百事佬梗係唔會放過機會周圍影相同大家分享吓啦！
最後，大會更請食大餐添…
有興趣了解更多James極品影院之產品，可以到以下網址瀏覽…
http://www.jamesloudspeaker.com/
