不經不覺, 換左SME MODEL 10已有一個月時間, 係時侯要寫番個REPORT了.
SME, 全名係The Scale Model Equipment Company Limited. 一直以唱臂SME 3009 與SME V聞名於世, 世界各地的頂級玩家, 音響評論員都不約而同選用SME產品, 當中除左佢地既成名作3009 與SME V外, SME唱盤每年在各大音響天書都拎左好多大獎.
SME唱盤總共分為10 / 20 / 30, MODEL10就是最入門的型號, 而10/3的”3″, 就是第幾代. 換言之我個MODEL 10正是第三代.
所有SME盤都只能安裝一支唱臂, 如要使用12吋盤的話, 就要上到20或是30型號了, MODEL叫20/12和30/12.
亦由於SME唱臂太出名, 所以SME廠方亦加設[盤連臂]的組合套餐, 就好像我這個MODEL 10/3一樣, 在代理的網頁會見到MODEL 10/3A, 這個[A]字, 即是盤連臂的套餐價. MODEL 10的唱臂是309, 但因為是MODEL 10 PACKAGE, 所以在臂身上, 你只係會見到MODEL 10的字樣.
SME設計師一貫信念是唱盤越大, 受到外間或自身共震越高, 所以一般的SME唱盤, 尺吋都比市面其他唱盤細小, 就算頂級型號30/12, 其尺吋只有 530 x 400 x 232mm.
20/12
Model 10
另外SME的設計還有另一別於其他唱盤品牌的概念, 唔知大家有無留意, SME盤的Platter一般不會太厚, 因為他們就是相信一個好的[控速]與[懸掛系統]就是好聲的主因, Platter太大太重, 只會增加SME獨家的懸掛系統的負擔.
另一方面, SME就是擁有製造一個完美[控速]技術, 就是他們所有型號都使用同一[控速], 即是話最高級的30/12, 都係跟同一款[控速]. 這個[控速]對墊材及電源線都好敏感. 在下文會詳細解說.
好肋, 介紹完SME的唱盤後, 就要講講我點解要選擇這個SME 入門盤MODEL 10了.
大家都知我之前用緊既JR ZET3 MKII 與 SME V唱臂.
以價錢來說, 今次唱盤唱臂的更換絕對是降級了.
支唱臂就唔駛講啦, SME V 與SME 309, 跟本是兩個不同班次的唱臂.
唱盤來說, ZET3 MK2 BASIC版與SME MODEL 10的價錢相差都不是太遠, 這可說是同級產品吧.
問題來了, 點解我會UPGRADE支唱臂呢? 其實原因好簡單, 四個字講晒~ 乘人之美. 因為個ZET3MK2買家想買埋支SME V, 還掂我都諗住UPGRADE個盤, 所以咪一齊賣晒比佢囉.
自從賣左個盤臂後, 上網睇左好多資料, 目標鎖定在DR. FEICKERT Firebird 與 tw-acustic RAVEN AC, 再配番支SME V金臂, 咁就靚仔晒啦!
上到聲望一樓, TONY哥話, 既然我鐘意SME V, 不如試埋SME盤+臂, 同廠一SET過的組合啦. 可能會啱我口味喎. 最緊要係依家有套DEMO MODEL 10盤+臂清貨, 價錢勁便宜.
既然TONY哥有咁既建議, 我咪一於好似大爺咁坐定定喺皇帝位, 等TONY哥SET好個SME後就聽啦.
專業即是專業, 話咁快就SET好個SME MODEL 10, 聽左兩首歌, 一首人聲一首JAZZ, 我走埋個盤度, 想睇下支唱臂&唱頭. 點知我睇到既係支唱臂上面寫上MODEL 10, 粒唱頭就係IKEDA 9TS.
講真, 這組合明顯比我之前用緊的ZET3低級, 不過SME這樣配搭的組合比我的聽感竟然係比我用緊既組合更幼細, 順滑. 
這是我之前未有聽過的感覺, 順滑度就像這MODEL 10是軟盤設計, 音樂連貫性實在很強很強, 以這價位的黑膠盤組合來說, 我無話可說. 如硬要說不足之處, 我相信係SME沒有了德國盤的光輝感覺吧, 還有就是低頻與音場的霸氣.
聽完SME, 再試試DR. FEICKERT FIREBIRD. 的確, 之前SME沒有的光輝感, 中低頻的霸氣回來了.
FIREBIRD果然是DR. FEICKERT的旗艦型號, 在霸氣與柔順度中, 輕易取得很好的平衡度. 
但大家不要忘記, 以FIREBIRD的價錢足夠買兩個半SME MODEL 10了, 而MODEL 10亦有一樣野係強過FIREBIRD的, 就是在柔順度與連貫性, 這四萬幾蚊的SME盤竟然比FIREBIRD更耐聽, 更舒服. 這的確令我對SME的唱盤有更深的體會.
試完FIREBIRD, 我都唔駛試SME 20/3 或是TW-ACOUSTIC了, 因為這套MODEL 10的價錢實在吸引, 吸引到我無法拒絕呢!
所以最終我決定先搬這套MODEL 10 + IKEDA回家試清楚SME的實力, 如果真係啱我要求, 遲D先再UPGRADE去20/3吧.
就這決定, MODEL 10就送到我家了, 唔知係咪依個盤經TONY調較後, 的確在分析力與細節, 微動態與音樂的連貫度都比我之前個盤更優勝.
我相信這可歸功於以下幾個原因.
1) 安裝與調較技術, 這好明顯是BB班與大學教授之戰吧. 之前的ZET3 MKII是我自己安裝與微調, 而MODEL 10是TONY親自SET盤SET臂.
2) 原廠的匹配性, SME盤+臂, 有一定的保証呢.
3) 在控速方面, 我之前的ZET3 MK2沒有外加原廠控速. 而MODEL 10的控速是使用SME最高規格的唯一控速, 當唱盤轉動穩定後, LOCK燈會亮著. 依個控速會CHECK住個轉速, 如因任何外來因素影響以使轉速不穩時, LOCK燈更會閃爍提示. 而講起這控速, 他對墊材好鬼敏感, 我用三粒SYMPOSIUM鋁餅墊個控速後, 在音場的深闊度與分隔度, 有著明顯的提升. 在此建議各SME用家, 唔好睇少這控速的墊材, 如有機會, 我會試多D不同墊材對這控速的影響與改善.
如果大家正考慮加入黑膠的大家庭, 我強烈建議你地一定要聽聽SME才作最後決定, 可能SME的聲音才是你杯茶呢.
————————————完———————————
SME, IKEDA代理 : 聲望音響
SME MODEL 10A with M10 tonearm: 實價$60,600
IKEDA 9TS唱頭: 實價$13,000
