先分享一張相片先.

屋主當然係HIENDY會員, 佢套GOLDMUND正正就是我的DREAM GEAR.

詳情可以睇番我幾年前寫的文章.

RaceWong的Goldmund之旅

GOLDMUND 22M + 29.4M 推一對GOLDMUND 1+2.

訊源使用近期最熱間品牌CH,

黑膠盤使用精品級別的Simon Yorke S7 ,

唱放同樣使用精品級 LYRA CONNOISSEUR 4.3P SE.

全屋HIFI架使用御品代理的SRA. 齊睇相片, 已經知道屋企係一個要求極高的發燒友.

當然我坐皇帝位, 除了見到 LCD電視上上下下都放滿滿擴散板外, 全屋最吸引我注意的就是放在兩部29.4M隔離的SINE SRT-5KV 電源穩壓器.

買得電源穩壓, 當然就係發覺屋企的電壓不穩啦. 屋主其實同HIENDY好多用家都係有相同問題, 就是發覺電壓不穩定. 所以佢一直都尋找一部可以供電比佢全套GOLDMUND的電源穩壓.

大家睇見屋主的器材都估到, 錢對於佢來說, 不是問題. 問題只係該件電處能否做到佢心目中的聲音吧.

在SINE SRT-5KV之前, 屋主已試用多個名牌穩壓, 可惜無個啱佢心水, 所以最終佢決定要搵一部有5K的穩壓的電處.

屋主留意晒全部品牌, 睇晒每部零件/功能. 得出一個結論, 就是SINE SRT-5KV最合佢心水.

講下依部SRT-5KV有咩賣點先, 佢網頁稱道依部穩壓為: -[無觸點自動穩壓器]

佢能夠自動的電壓調節補償, 用家可以自己選擇205 V至235 V電壓範圍. 另外更有供應潔淨電源和過濾電源中雜訊功能.
佢網頁最正果句係: [SRT-5KV採用集成電路及快速晶體控制，作電壓補償，令功率損失少，效率極高。其供電能力特大，可供應5000 VA]

以現今一般歐洲機的電壓, 大多都是230. 所以屋主將佢部SRT-5KV調節到230 V.

屋主並稱, 佢試過將電壓調到225 V, 結果出黎的聲音好[淋], 有D悶悶地的感覺.
反而將電壓調番去230 V, 成套GOLDMUND立即充滿生氣.

睇左咁耐, 大家有無留意你屋企的電壓係幾多? 有無想像過, 如果電壓可以好穩陣咁提供230V比你的器材, 你的器材又可以去到咩境界?

我自己就好想試下我套ARC, 如果比飽飯比佢食, 佢仲可以提升幾多呢?

好. 下次我就問國聲借部SRT-5KV返屋企試清楚佢既威力.