FURUTECH公司, 其線材與附件一直都是發燒友的神級指標, HIENDY勁多老友已使用NCF插座插頭. 今年9月, FURUTECH推出了新一個產品 – 線材固定承座.

現今的頂級線材, 每條都有番咁上下粗度, 重量, 好多時你地都會見到佢個插頭會向下墜, 更甚者會見到金屬位外露. 這無疑會令接觸位減低或接觸不良.

今次FURUTECH最新設計的器材承座, 就是針對這問題. 大家先睇睇佢官網的相片先.

官網稱這個承座使用了ABS 樹脂和 NCF 製尼龍樹脂製作, 除左能穩固定插頭與插座之間的連接外, 由於ABS 樹脂和 NCF 製尼龍樹脂都有吸震及化震作用, 所以對聲效來說一定有所幫助.

至於插座太高的話, 可以配多幾支金屬桿. 好似依幅相片咁.

我自己就試過將這個NCF Booster放在牆蘇前面墊住條ABSOLUTE CREATIONS TIM.S, 之後A/B/A咁聽左同一首. 講真, 在ABA的比較下, 我可以好肯定在寧靜度與分隔度都有改進, 但改進明唔明顯? OK啦, 唔係會嘩一聲叫出黎果份提升, 但經過ABA比較之後, 都好易聽得出的提升.

咁依個NCF BOOSTER咁小提升, 咪無用囉?! 咁又錯晒喎.  點解?! 你地依家即刻走去你部[電處], [牆蘇]睇下你條粗到爆既電源線插頭與插座係咪已經有下墜的問題? 插頭金屬部份係咪已經有少少外露?!

講真, FURUTECH推出這個NCF BOOSTER, 其主要功能就是使你的重型電源線與插座得以90度完美連接, 不會因線身太重而令到插頭下墜, 接觸不良. 我諗每個發燒友屋企都會出現這問題呢. 所以我覺得每個發燒友屋企都應該有幾個NCF BOOSTER墊住條電源線.

除左墊電源線, 佢仲可以用黎墊喇叭線. 所以買番一打半打喺屋企看門口, 都係好正常啫. 

價錢: $2500