Argento這品牌在香港已經出晒名好聲, 我都好耐無玩Argento了。 對上一篇Argento既報告應該係佢個拖板。

Hiendy就是一個香港人發燒友既時間囊, Argento新代理絃聲音響在Google Sreach 到多篇Argento既報道都喺Hiendy出現, 所以佢地聯絡我問我有無興趣玩番Argento?

講真我對Argento係有些偏愛, 用過既發燒友都不得不承認Argento有著一份極毒味道。 佢份味道係好易令人中毒: 當中既簽名式浪漫, 柔情, 連貫性與氣氛, 一聽難忘。

絃聲音響今次除了拎左Argento這品牌外, 對下出名超性價比既Organic都做埋代理。

而Argento我試當然試Flow 電源線啦, 想當年我玩過2008 & 2012奧運版電源線, 聽說就是Flow的級數, 但偏偏我就係無玩Flow.  所以我上兩個星期拎左條Flow PC返屋企煲佢兩星期先再慢慢試聽。

以我玩Argento既經驗, Flow其實可以插所有位置, 包插訊源, 前後級及拖板。 不過我自己嫌佢插後級後簽名音色太濃, 如果我玩緊前後級的話, 我一定會將Flow插入前級, 可借我依家已轉玩合併機Chorate, 所以今次試條Flow我就將佢插入Nagra VPS 唱放。

開聲頭三十秒, Argento既味道已出晒黎。 聽軒仔隻Pink Dahlia 黑膠, 人聲的分析力與水份偏厚暖多水, 空間感比較美國出名線材品牌並不輸蝕, 當低頻一出時, 其量感與超低層次都偏向豐滿型, 講真, Flow就不是以音效為主既線材, 佢既可愛之處就是令人有份越聽越想聽耐D既吸引力, 你可以說這就是音樂感啦, 但我會形容這毒力為有糖衣既氣氛凝造力。

當我再將另一古典Vivaldi 5 Cello Concertos黑膠放上Anna log上。 落針一刻我才明白, Argento這品牌根本就是就音樂而生, 質感, 連貫性, 堂音極其豐富, 而我再次強調既音效並非賣點, 但在聽這Cello時, 音場大少深闊, 高低伸延等等都無令我失望。  當中尤以低頻既下潛力與超高既空氣感最是討好。

我諗黎緊Hiendy 新俱樂部都會於幾條Flow比大家一齊欣賞下Argento既毒力了。

代理: 絃聲音響
價錢: $20100

  • 目錄