我話過我要玩KS老頂, 所以第一條拎番屋企既係最平既ELATION系列: 電源線.

兩三個月前, 數字馬田條友仔好似中左降頭咁, 出左篇好精彩既ELATION PC報告. 我都比佢毒死左. 所以當時已同代理單聲, 有新貨番即刻拎條ELATION PC比我玩. 等我又試下KS既無色無味毒藥.

一等就等左三個月, 拎上手既KS ELATION線, 其包裝只係一個皮套. 內裡就係這條其貌不揚既ELATION  PC. 清簡既設計 (其實我懷疑佢間廠有無設計過OUTLOOK) 哈哈. 不過大家KS FANS可以放心, 新代理已向廠方反影OUTLOOK問題, 希望佢地可以改善一下啦.

由於條ELATION既性格都比數字馬田講晒, 所以我今次只係會講下依條ELATION配夾我部CD8既聽感.

記得第一次插部CD8, 聽第一隻碟係小提琴, KS ELATION比我個第一個印象係- 線條與立體感.
坊間強調線條的電源線, 好多時都係在最高既頻段硬聲, 或者有人叫這硬聲係”呱呱叫”.
但ELATION既線條係實淨, 柔順. 配合估佢唔到既背景寧靜度.  D立體感出晒黎.

之後再聽多首古典棚爆, ELATION既控制力得以全面發揮. 我相信佢既控制力係來自”力量”既表現. 聽多陣, 我覺得KS ELATION用喺CDP雖然係交足功課, 但我更感覺到如果將佢既位置插喺後級. 佢既實力先可以發揮得最強.

但因我部ARC REF.5SE要20A插, 對BRYSTON又要多條ELATION先可以試到. 所以今次既測試只能測插在ARC CD8.

聽到依家, 我只可以話ELATION插喺我部CD8既表現, 絕對對得住佢二萬多元既身價.

不過我諗如果有機會借多條ELATION, 將佢插喺我對BRYSTON, 我會唔會轉會都係未知之數!

https://www.hiendy.com/hififorum/forum.php?mod=viewthread&tid=90367&extra=page%3D1